01 二月 2010,我的健康,
今個冬天忽冷忽熱
起一次敏感都算係咁
快來快去, 病假休息左一日, 好返了~~
Continue
21 六月 2009,我的健康,
我知我係肥, 但又未至於係大肥婆呀, 仲係著中碼 size 衫褲
我156cm高, 根據尋日醫院個磅, 135磅
未長肥既我重110磅
呢5年成來唔係呢度痛就果度病, 肥左根本冇理過
我以為同脂肪有關既病, 真係要好肥好肥先有, 錯哂!!!
我而家既問題全跟脂肪有關!!!
長期便秘真係會嚴重影響肝膽
我條盲腸一早受感染切除左, 冇左第一防線啦
Continue
17 六月 2009,我的健康,
早 2 weeks 可能工作壓力問題, 導致成個星期都便秘
食好多菜, 蕃薯, 西梅汁, 生果都冇用
我唔敢食瀉藥, 我用左"甘油條"來解決
襯住呢個機會, 安排今星期五入院
照下條麻煩腸順便做埋其他 body check
Continue
05 六月 2009,我的健康,
不知是自己心理作用還是其他~~
我呢幾日摩自己後腦位時, 發現有舊野突左出來
我要將頭向下, 盡到冇得再盡時候
由頸位一路摩上去, 緊接頸椎位上面
有舊野突左出來 (好似撞親個頭起左個"樓"咁上下大)
按下去又冇痛既感覺
當個頭向返前再摩, 又摩唔到
咩來架???
Continue
24 四月 2009,我的健康,
回南天, 唔係頭痛就頸痛, 唔係頸痛就手痛~~
唔夠運動就緊架啦, 我都有係咁易郁下架~~
洗唔洗咁折磨我!!!
4/9日第一次發作 - 痛左 4 日
4/15日第二次發作 - 痛左3 日
4/23日第三次發作 - 已經痛左 2 日, 唔知要痛多幾日
Continue
04 三月 2009,我的健康,
呢 d 天氣真係令人想死
一時濕到呀媽都唔認得
一時涼一時又熱, 一時南風, 一時北風
究竟幾時轉完天氣???
Continue
23 二月 2009,我的健康,
自上星期開始朝濕起來, 鼻塞問題開始嚴重左!!
每晚睡了就鼻塞起來, 每二小時醒一醒!! 每二小時醒一醒!!
睡眠質素超差, 開始超腫又便秘, 皮膚有點痕癢
鼻塞如果係十級辛苦 (最辛苦)
身體腫脹加便秘有六級辛苦
皮膚痕癢只是一, 二級辛苦而已
Continue
23 二月 2009,我的健康,
過去 2 年, 轉春天我並沒有留意!! 身體都沒有大變化
一到 4-5 月份, 身體會突然變化起來
初期一般感冒, 惡化時就來突發血管性水腫
全身風癩, 氣管收窄, 休克, 入院急救
幸運地, 2 次都救得返, 既然天比機會我
為自己好,我戒左食左10幾年既煙
Continue
16 一月 2009,我的健康,
實在太乾燥啦!!
皮膚都還可以, 仲好滑淨
用左庶糖沐浴露, 身痕情況改善好多
Continue
08 十二月 2008,我的健康,
發覺自己心情唔好時, 咩都唔想做, 唔上網, 唔寫 blog!
你見我 active 返就即係心情好, hehe
好耐冇試過有咁輕鬆既心情, 希望真係 last 耐 d 啦
今晚呀媽生日, 老豆應該幫手買緊野, 好似加邊爐
12月真係節日多多, 好在老爺奶奶今年入來同埋我家中一齊做冬
咁就唔洗食 2 次啦, 又要呀大伯到時破費啦
老公個表弟係我老公生日果日做左老豆, 即同我老公同一日出世
母女平安, 成 7 磅重。一邊恭喜人家之餘, 我都會想起..
無緊要, 人要向前的, 只要我連續 2 個月冇再大病痛就努力做人
我現在開始要相信我本身係冇病, 因為性格問題, 我會過份強迫自己
最近, 似乎迫到自己無路可走, 我的行為說話心情根本唔係平日既我
我同自己定下太多 rules 了, 做唔到, 會自疚, 自責
但有時, 做唔到, 根本唔關自己事, 因為一件成功, 根本唔係我一人既力量
既然, 有些事情非自己控制範圍, 我只可將自己既 rules fune tune 一下
這就是唯一令自己放鬆一點!!開心一點!!希望可能健康一點!!
長期活於壓力下:
壓力荷爾蒙皮質醇加速分解體內蛋白質和身體脂肪組織，轉換成葡萄糖，長期提供大量能量以面對壓力
身體需要蛋白質形成高層次生物化學物質(high level biochemical substance)，故分解蛋白質和脂肪組織後會有以下影響:
- 抑制免疫系統功能(缺乏白血球)
- 身體不能自行修理受損細胞
- 大腦只集中面對潛在危險，引致憂慮和抑鬱, 不能思考愉快事情
- 大腦細胞受損，影響記憶力、睡眠及集中力
- 心血管疾病，如中風、冠心病
- 糖尿病
- 緊張性頭痛
其徵狀包括體重增加、特殊的脂肪分布形成的中心性肥胖、背頸部脂肪沉積（水牛肩）、鎖骨上脂肪墊、及月亮臉。有些女性病例，因腎上腺男性荷爾蒙分泌過多而造成多毛症、暗瘡及月經失調等。過多的皮質醇也會造成耗損性狀態，包括皮膚變薄、容易瘀血、消化性潰瘍等，亦會引致高血壓、葡萄糖耐量異常，甚至發展成糖尿病、低血鉀、水腫等症狀。
Continue
04 十二月 2008,我的健康,
我一直都估計我身體問題真的跟抵抗力有關
我身體問題包括: 腸胃(便秘肚痾), 敏感, 頭痛, 肥胖, 水腫
我最近半年, 開始很留意自己身體
細心記錄, 小心飲食, 希望提升自己抵抗力, 病少點
其實, 如果我抵抗力弱, 理應很易傷風感冒, 易受病毒感染
剛剛相反, 我真是沒有那些問題
早 2 個月, 因為嚴重敏感, 跟工作環境有關?
我跟公司說我隔天到辦公室上班, 其實在家工作, 真的有點改善!!
但是, 在家都有點敏感, 究竟出了甚麼問題呢?
真的不知道了!! 既然跟工作環境無關, 要計劃正常上班了
開始計劃正常上班同時, 老闆跟我說日後我要轉工作範疇
會跟以前上司多點合作!! 這是我一直期待!!
機會到了, 我終於可以放開之前的厭惡工作
工作壓力真的少了, 亦可正常上班了
從此在公司發生敏感降至 10%
但, 最近一個月, 我又受頭痛折磨, 初初以為跟月事有關
因為月事前後必頭痛, 但最近一次劇痛是在跟媽媽傾談後
娘家煩事其實自 2008 年年頭開始的
因為爸爸病了, 不能工作, 沒有收入
金錢壓力自然去了子女身上, 沒所謂, 我有能力
可惜, 這一年來, 爸爸病還是很差, 似乎是心病多一點
爸媽又為錢煩!! 錢真是很重要? 我漸漸因為他們不開心, 我也不開心了
我頭痛到可以打針都止不到痛, 向老公發脾氣
那個根本不是我!! 直至係急症屋, 老公跟我說, 不要為家中事太煩
我再想一想, 原來我身邊那個因為我病都好痛苦
究竟, 我為什麼會越活越不開心, 越來越病??
想通了?? 原來, 爸媽不開心, 我都會不開心的
我心中最重要是家人, 不是錢。錢, 我真的有能力!!
我至多是用少一點錢, 給多一點給家人, 希望他們不要為錢而煩
原來還是改不了他們, 他們仍是消極, 很悲觀!!
我最失敗是, 沒有方法令他們開心!!
我找妹妹, 找朋友傾訴。我真的想多了, 根本我控制不了他們思想
現在我放開了, 我仍會想盡辦法令你們開心
希望終一天你們明白錢並不少一切, 家人的快樂才是重要
我前面仍有一大段路, 我亦要令我另一半開心
我要準備健康身體, 為我下一代
後話, 壓力, 可以令你身體出現很多問題, 一定要放鬆
我應該找到出路, 我要開心, 我要笑!!!
Continue
31 十月 2008,我的健康,
原本真係自己 plan 左今個 week 返反正常。
但因為上次為公司野, 上星期五晚 OT 到零晨 3 點幾。
第 2 日頭痛到爆。連朋友生日 party 都再去。
當晚11 點幾就訓左。不過由於人黑既關係:
訓到 1 點有怪水聲, 原來分體冷凍又係屋內滴水。
要改開窗吹風扇。再訓返到 3 點到, 肚痛痛醒。
好在有暖水袋, 暖住都訓得返。
Continue
25 十月 2008,我的健康,
完??
係~~ 我調左位啦, 情況幾樂觀。
自星期三在家工作後, 星期四返工。
老細又叫我星期五返去開會。
照返啦~~ 而家調左位, 開揚左好多。
一直以來, 原來坐住個病位!!!!
既然 2 日冇起, 應該有信心既。
下星期開始, 回復正常。冇唔會比人白眼!!!
今期 M, 叫左老公煲"薑棗茶"飲下。
又幾好味, 有益, 有益。
Continue
25 十月 2008,我的健康,
既然老細叫到, 原本 plan 左唔洗返既星期一都返左工。
可能果日要開會, 唔洗點寫 program, 冇咩野跟, 冇咁大壓力。
好似冇咩點敏感, 冇影到相。
Continue
17 十月 2008,我的健康,
山楂葵子湯
山楂、葵花子仁各50g，紅糖106g。將上3味加水適量，置火上燉為湯即成，此為1日量，分2次飲服，於經前2～3日服用效果更好。該藥膳有健胃、補中益氣的功效，適用於氣血兩虛型痛經。
Continue
17 十月 2008,我的健康,
好灰好黑???
M 期將至, 天氣轉乾!
除公司敏感嚴重左外, 我懷疑我有濕疹。
條頸係今星期二係公司痕一痕, 而比我 R 一 R 後...
而家日日紅, 日日痕。
Continue
27 九月 2008,我的健康,
原本係星期四返, 因為起身見暈。
原來, 親戚來問候, 真係辛苦得要命。
星期五返到公司都係得半條人命。
相片?? 作個記錄吧!!
返公司必起已成事實。
今次親戚問候只是係頭暈暈, 少少痛既感覺。
頭沒有勁痛, 唔洗食藥, 真係要還神。
Continue
15 九月 2008,我的健康,
都係起。不過不及今個星期二 (2008/08/09) 勁。
因為今日冷氣好夠凍, 成個人被雪住, 所以冇變"壞"。
可憐的同事們, 我知你地凍得要死。
你地又驚細左冷氣, 我又發病。
真係對唔住呀, 下次你地帶件衫啦。
早上, 去到成 11 點先開始起。
到食飯離開左公司就好快冇事啦。
Continue
15 九月 2008,我的健康,
今日第一日返公司, 跟之前一樣, 間歇性敏感起來。
一返到去, 先打數個"哈次", 配返個口罩先。
Shit!! 過一陣, 塊面起粒大癩。其後到左右手, d 癩會一齊起。
佢地會 last 半個鐘到啦, 之後自己會散。
如是者, 今日起左四五次到。不過都折磨左我成日。
Continue
15 九月 2008,我的健康,
游水, 係一個健康運動。
超敏感既我, 係泳池居然起風癩。
踏入 9 月, 好似冇日冇起過癩。
幸好, 雖然日日起。
只要一起, 離開問題地方就好快冇事。
只係快來快去, 唔洗食藥。
Continue
15 九月 2008,我的健康,
天氣差
身體差
連飲一碗葛湯都會痾
一星期痾 2 日
真係一路痾一路叫呀媽
我老公都習慣了
我痾完
送上暖水袋一個
可時完結
我真係好攰
Continue
05 九月 2008,我的健康,
壞消息, 自我 6 月尾開返工後。
除左上星期我冇過敏感外, 根本未停過。
我真係開心得太早啦, 上星期只係一個假像。
究竟我上星期冇起到癩, 係唔係因為少左人返工?
因為空氣好, 所以冇敏感?
幸好, 我只會在公司及空氣差既地方發病。
在家, 有 90% 時間係正常。
在公司, 有 30% 時間係正常。
外出, 有 70% 時間係正常。
Continue
05 九月 2008,我的健康,
戒了麵包後,
各方面都好似好了好多。
我今個星期, 居然返足 5 日工!!
雖然尋晚半夜頭痛痛醒了。
好似缺氧似的。鼻塞哂, 頭好痛。
之後去了廁所, 再飲一大杯水!!
再開一點窗再開細細風扇。令空氣流通!!
我唔想食藥, 唔想入急症!!
搽平安膏再加埋 OTO 按摩一下。
Continue
25 八月 2008,我的健康,
又病了.. 真的抵不住公司的病菌。星期三晚返家已是冇電感覺, 很早便睡。早上起來, 頭同喉嚨都痛都要爆, 立即食止痛藥再嚐試睡一睡。睡不倒, 出了廳到 9 時請病假!! 係廳坐著睡了。一睡就睡到 11 點!!! 仍然不止痛, 不妙不妙, 又去了急症 (因診所已經唔會再為我打止痛針)。怎料, 急症醫生都不肯為我打止痛針!!! 如果我食藥止到痛, 我就唔洗去急症啦, 我唔想食 4 粒, 6 粒時都唔止痛先打針。求了醫生好多次, 他先肯我打針。我係急性喉炎, 醫生比左 3 日假我休息。um.. 佢開左抗生素比我食, 我一粒都冇食!!!
Continue
25 八月 2008,我的健康,
真係冇咩心機, 來來去去都係影住對手。星期一同二既戰況, 成手成腳平安膏。又係平時咁, 快來快去, 不過好痕。痕到對手都打唔到字, 集中唔到精神。我100%肯定, 公司地毯有蚤!!
之前, 我出左個 post 係關於 "病態樓宇綜合症" 或 "monday illness", 其實正正係我而家既情況。我發覺我要適應期。星期一二, 過敏情況嚴重。星期三四, 開始對自己既位周圍既物件都冇過敏, 但如果要開會, 離開自己位, 去其他地方, 情況跟星期一二相似, 情況嚴重。星期五既時間, 情況係最好。另外, 以前未有過敏症時, 星期一都比較易病。可能星期六日夜左訓, 一到星期一就怪怪地架啦。我係呢間公司活左好多年, 個位越來越細, 空氣越來越差, 病情越來越麻煩。
Continue
25 八月 2008,我的健康,
星期一綜合症 (即病態樓宇綜合症 sick building syndrome, 指因為辦公大樓中央空調內滋生細菌造成空氣污染而引發的各種病症. 由于週末剛過人的適應能力下降, 星期一更容易受到傳染, 故而又被稱為 Monday illness)
Continue
17 八月 2008,我的健康,
真係令人討厭, 我真係想打去勞工處問題, 有冇 d 條例係保障員工健康。我返工真係好辛苦, 對手好痕, d 冷氣時凍時焗。今次影 d 相差 d, 有幾處又紅又腫, 影左出來又唔覺。anyway, 一個記錄而已。
Continue
17 八月 2008,我的健康,
現 今 小 朋 友 不 知 何 故 總 是 百 病 纏 身 ， 到 底 是 嬌 生 慣 養 ， 還 是 環 境改 變 令 孩 子 患 病 ？ 有 醫 生 認 為 ， 不 少 長 期 病 或 與 食 物 敏 感 有 關 ， 家 長 需 特 別 留 意 ，有 需 要 時 為 子 女 戒 除 致 敏 食 物 ， 直 至 病 情 好 轉 。 記 者 ： 張 嘉 雯
香 港生 物 保 健 科 技 公 司 於 去 年 10 月 至 今 年 5 月 ， 分 析 了 400 多 名 年 齡 介 乎 6 個 月 至 81 歲 、 需 要 進 行 食 物 過 敏 測 試 的 港 人 資 料 ， 分 析 其 血 液 樣 本 內 的 抗 體 。 結 果 發 現 ， 最常 出 現 的 過 敏 症 狀 是 皮 膚 出 疹 ， 其 次 是 疲 倦 、 出 濕 疹 、 經 常 感 冒 及 脹 氣 ， 而 最 普 遍引 致 過 敏 的 食 物 是 雞 蛋 、 乳 製 品 、 腰 豆 、 香 蕉 及 在 包 、 餅 乾 、 蛋 糕 中 可 以 找 到 的麩 類 。
Continue
17 八月 2008,我的健康,
艱 苦 的 飲 食 戰 爭
■ 這 件 樂 器 是 當 年 龍 博 士 用 來 哄 仔 仔 吃 藥 的 工 具 。
眼前 阿 Mark （ 龍 一 脈 ） 看 起 來 和 一 般 15 、 16 歲 的 青 少 年 並 無 分 別 ， 從 外 表 看 來 並不 知 道 其 實 他 患 上 嚴 重 的 食 物 敏 感 症 。 小 時 候 ， 鹽 、 糖 、 蛋 、 海 鮮 、 肉 類 ， 甚 至 蔬菜 都 不 能 吃 ， 在 大 家 眼 中 ， 實 在 匪 夷 所 思 。 原 來 龍 博 士 及 太 太 Emily 本 身 都 有 哮 喘及 皮 膚 敏 感 ， 他 們 的 醫 生 朋 友 都 說 將 來 生 下 的 孩 子 有 七 成 半 機 會 遺 傳 到 敏 感 症 ， 但大 家 當 時 都 沒 想 到 那 麼 嚴 重 ， Emily 說 ： 「 記 得 阿 Mark 約 6 個 月 大 ， 已 常 見 皮 膚、 面 部 發 痕 。 那 時 我 是 餵 哺 母 乳 ， 通 常 生 仔 後 會 食 薑 ， 誰 知 也 會 令 他 敏 感 。 」 初 時醫 生 都 說 是 暫 時 情 況 ， 待 大 一 點 便 會 消 失 。 可 是 到 6 歲 以 前 ， 情 況 不 但 沒 好 轉 反 而變 本 加 厲 ： 「 他 幾 乎 沒 有 一 晚 能 睡 過 夜 ， 因 為 太 痕 而 抓 得 全 身 損 傷 ， 每 朝 起 來 都 見到 周 身 血 。 我 們 出 盡 方 法 幫 他 止 痕 ， 如 戴 手 套 、 用 暖 水 袋 、 甚 至 腳 底 按 摩 也 做 過。 」
Continue
17 八月 2008,我的健康,
黃 先 生 對 酵 母 菌 過 敏 ， 導 致 長 年 痘 痘 滿 臉 。 曾 雪 蒨 攝
今年 二 十 五 歲 的 黃 先 生 ， 十 年 來 飽 受 滿 臉 痘 痘 困 擾 ， 上 個 月 到 醫 院 接 受 酵 母 菌 治 療 ，沒 想 到 病 情 更 加 惡 化 ； 醫 師 緊 急 替 他 進 行 過 敏 原 檢 測 意 外 發 現 ， 原 來 男 子 對 酵 母 菌重 度 過 敏 ， 只 要 吃 麵 包 、 包 子 等 含 酵 母 菌 的 食 物 都 可 能 誘 發 過 敏 ， 才 造 成 他 長 年 滿臉 「 豆 花 」 好 不 了 。 醫 師 提 醒 ， 若 已 過 了 青 春 期 ， 臉 上 還 不 斷 冒 痘 痘 ， 即 可 能 是 慢性 過 敏 症 狀 ， 可 進 行 食 物 過 敏 原 測 試 ， 找 出 元 兇 。
Continue
05 八月 2008,我的健康,
攪咩呀~~ 打風出事? 尋晚一上床就痕, 痕足成晚, 冇覺好訓。終於向老細申請今日在家工作!! 最主要係我真係起唔到身, 如果我住近 d, 幾個字返到公司, 我都會仆返去!! 不過我出得門口計, 要個半鐘先返到。唔想病程更嚴重, 係屋企做都一樣。平時比人煩 d 時間可以睇下寫下 blog!! 都唔錯。呀疹呀疹, 你快 d 走啦, 好鬼痕呀~~ 唔好跟住我得唔得呀。
另外, 抗敏藥打孖食, 快 d 散啦~~
Continue
05 八月 2008,我的健康,
上次係 2008 年 7 月 15 日 清理空氣清新機, 今日係 8 月 4 日, 即 2 星期後~~ 冇改善, 仲好似大舊左, 有 d 塵已食左入部機, 都唔知點清潔好~~ 等 d 公仔拿住舊塵影返幾張相比大家睇~~
Continue
03 八月 2008,我的健康,
我係一個超喜愛麵包既人, 原來麵包令人身體製造好多毒素同過敏‧其實今年我驗左血, 話我對食物過敏, 我戒左麵包一排, 各方面都幾好~~~ 到呢一刻, 我又冇特別戒口, 仲要日日食麵包。個人 keep 住腫, 皮膚 keep 住差。我聽日開始, 又再試下戒下口先~~ 睇下有冇改善。不過真係戒哂小麥, 真係只係食飯, 早餐真係好難攪!! 咩麵都唔食, 只係食得米粉!!! 蛋唔食, 牛肉唔食, 小麥製品唔食, 花生唔食, 黃豆唔食 (豆奶都唔飲得)。
Continue
03 八月 2008,我的健康,
成功戒左煙, 真係唔好食返煙, 真係影響下一代~~ 去聽下呀~~
http://hk.myblog.yahoo.com/oldl315/article?mid=3196
Continue
30 七月 2008,我的健康,
又病假 2 天, 聽日返到公司又比人白眼!! 其實我都唔想, 星期六, 公司周年飯。食西餐! 有蝦我已經唔食, 會腸抽筋!! 龍蝦湯就照飲, 因為未有記錄我會對龍蝦有過敏!! 之後食埋個雞同甜品, 仆 x 啦~~ 個肚好很痛, 痛到幾乎行唔到, 頂, 連獎都冇得抽仲要係金鐘打的返屋企!!! 多謝小姐 $330!!! 返到屋企只係痛冇得痾。訓到 4 點痛醒, 肚痾!#@&)!$
Continue
26 七月 2008,我的健康,
今日星期好叻, 返足 5 日工, 不過真係好辛苦, 體力透支。上班下班交通時間再加埋有時 9 唔搭 8 塞車, 每日 3 小時交通再加 9 小時工作, 真係令現在既我好吃力, 我每日 7 am 起身, 730 am 出門口開始轉車搭車返工。唔塞車, 845 am 返到公司, 塞車另計。以前 lunch 會帶飯, 而家出去食, 因為成日困係公司會死, 寧願同 d 同事去吹下水, 發洩下。lunch 後通常去叮中藥飲, 再做到 6pm 準時收工。行去搭車, 615 pm 開車, 返到元朗 710 pm, 行埋返屋企, 720 pm, 日日 12 個鐘, 真係好辛苦~~
Continue
15 七月 2008,我的健康,
上次行動(清空氣清新機既塵)係 080627, 約 2 星期前, 某程度上, 舊塵好似細舊左~~ 平時一星期已有咁大舊。我, 都好似好了少少, 星期一同今日都係有好小既災區, 好快散, 有進步, 有進步。
Continue
10 七月 2008,我的健康,
因為老毛病, 病了假了兩天。其實今日可以返到工, 但係起身見到落好大雨, 肯定一落街有傘都一定濕到上 pat pat。經過我星期二既經歷, 今早打電話比 PM (我應承左佢個 project 會係呢個 week complete), 話佢知, 我今日係會請病假, 不過我會 remote 返公司做野! 今日就係係呢個地方由 11am - 1pm, 3pm - 6pm, 做左 5 個鐘啦。
Continue
07 七月 2008,我的健康,
今日天氣可能凍左 d, 同事將冷氣較到 25 度, 我就敏感起, 好痕。其實公司已經將部又壞又舊既冷氣換左, 真係我點幫助, 皮膚少了敏感。 不過, 到 meeting room 地方等, 一樣再來敏感, 真係好堅下~~
Continue
27 六月 2008,我的健康,
塵從那裡來呢? 空氣清新機也。
Continue
26 六月 2008,我的健康,
一返工就用身痕, 我99.999999%肯定我敏感問題係公司環境做成, 呢張只係其中敏感災區。搽膏搽到冇停手!
Continue
25 六月 2008,我的健康,
我的IgE驗血報告
Continue
24 六月 2008,我的健康,
今日原本要返工, 我自2008年6月6日開始已經冇返工, 其實6月開始, 冇一日係舒服過, 一來天氣太差, 呢2星期, 東南西北風都吹過哂! 我的感冒好下又起返, 成日咳, 痰多多, 頭暈暈, 夜晚訓得唔好, 好煩! 初初仲以為係有左既反應, 但, 而家冇左, 問題仍然存在, 証明我真係病, 抵抗力差。既然唔舒服, 再休多2日息, 希望同事門體諒, 公司唔好怪我啦!
Continue
29 五月 2008,我的健康,
睇完以下文章, 係唔係要相信, 有敏感症唔一定係對某些東西有過敏反應?? 有壓力都會做成 IgE 升高? 有壓力? 未解決?
Continue
24 五月 2008,我的健康,
真係唔係親眼見到, 真係唔敢相信公司 d 塵係嚴重到咁, 唔病真係有鬼~~
話說, 自我買左部空氣清新機之後, 我係屋企每日都會開個 filter 來睇睇下係米真係會將 d 塵成功吸到, 日日都係食白果咁淛, 只得少少塵。雖然屋企冇咩塵, 唔知部機 work 唔 work, 我星期一帶左部返公司用, 睇下有冇幫助~~ 星期二下午, 開個 filter 來睇, 有好多明顯睇到既塵, 有紅, 藍色既毛毛, 好多好多.. 都唔知係邊度來.. 奇~~ 清理左 d 塵, 決定星期五再睇過... 今日 11 左右開來睇.. 唔係化~~ 有冇咁勁, 用個梳將 d 塵整埋一舊, 可以有咁大舊塵~~
Continue
17 五月 2008,我的健康,
個個問我, 你點呀, 好 d 未~~ 哎, 點答好, 我真係好病, 冇晚有覺好訓, 半夜就 default 會咳醒~~ 好辛苦囉~~ 對於一個一定要有飽覺訓既人, 每晚訓 1, 2 個鐘就會醒醒, 即係等於冇訓過。
Continue
11 五月 2008,我的健康,
過敏症 其實是患者對一些於大部份人無礙的物質所引起的激烈反應。引起過敏反應的物質我們稱之為致敏原。過敏反應通常不會在第一次接觸時發生，當身體第一次接觸時，身體便會產生免疫球蛋白E(IgE)，並與細胞上的受體結合。當身體再次接觸時，致敏原便與免疫球蛋白E(IgE)結合後，引致細胞爆裂，釋放出化學物質，引致過敏反應。
Continue
08 五月 2008,我的健康,
每天要必食既藥: 抗敏藥, 氣管藥
Continue
06 五月 2008,我的健康,
蕁麻疹和血管性水腫（urticariaandangioedema）又稱風疹塊和血管神經性水腫，二者可分別出現或同時發生；表現為皮膚非指壓痕性的水腫，有時還累及上呼吸道或腸胃道粘膜。蕁麻疹僅損害皮膚表層，表現為紅色葡行邊緣、中央蒼白的團塊皮疹，有時可融合為巨大風團。血管性水腫的病變累及皮膚深層（包括皮下組織），事現容易識別的局限水腫。這些表現均可一時性迅速出現和消失。反復發作不超過6周者屬急性，反應屬慢性。
Continue