游水都敏感 - 內附嚇人照片, 驚就唔好睇
15 九月 2008,我的健康,
游水, 係一個健康運動。
超敏感既我, 係泳池居然起風癩。
踏入 9 月, 好似冇日冇起過癩。
幸好, 雖然日日起。
只要一起, 離開問題地方就好快冇事。
只係快來快去, 唔洗食藥。
似乎跟排病發跟轉天氣同溫度有直接關係:
case 1: 前日屋企人打邊爐 (我唔敢打), 開始時間屋都夠冷氣。
之後, 越打就越熱, 唔夠冷氣, 起癩。
case 2: 公司越晏越熱 (公司係頂樓, 好天加人多時, 好快就唔夠冷氣)。
當冷氣唔夠, 好焗時就會起癩。
case 3: 游水, 尋日其實都熱, 不過太陽唔強, 水溫都好凍下。
一落水已經有唔舒服既感覺。過左半個鐘, 開始起癩。
最近 3 次既起癲都有呢個共通點 - 溫度。
似乎我身體適應不到外來因素而作出既體度變化。
今日, 同一個做龍虎舞獅既男性朋友傾開, 佢細細個時都係有我咁既情況。
問題困左佢成 20 年。佢係家族遺傳, 佢哥哥都係咁。
佢係一個本身健康既人, 唔煙, 多運動, 可惜如何戒口都好, 醫不好。
可憐是, 佢爸爸都係中醫, 都醫佢唔好。
之後佢有個朋友介紹食了一隻中藥, 食左 3 個月, 食好左。
佢亦都介紹左比佢幾位朋友, 都係食好左。
我叫左佢幫我買 (係廣州先有得賣)。
我會比我個中藥師睇睇 d 成份先試下食。
佢介紹比我食絕對唔會有利益上既收穫。
因為佢都講明 d 藥係好平。
佢真係有同病相憐既感覺, 不得不介紹給我一試。
佢之前都係轉天氣必起風癲。
自食好左之後, 成10幾年冇發過。
由於佢成日都出 trip, 就算而家好返都好, 佢一定帶埋 d 藥出去。
既然我已經試左咁多, 不防又一試。
各位關心我既家人, 朋友, blog 友, 你地精神上支持我就可以啦。
我之所以係 blog 提自己病, 目的係...
一來係比自己一個 reference, 二來係比 d 同病相憐既 blog 友參考。
我選擇用咩方法醫自己, 我自己會承擔後果。
我真係寧願自己係絕症, 明知要死, 我都可能選擇日後既生活點過。
而家咁攪法, 都唔知呢位朋友幾時再來搵我, 真係咩生活都冇哂。
我而家真係好似"家好月圓"既"女麻女麻", 好多"好朋友"。
身癢, 肚痾, 頭痛, 煩!!!!
睇下病發時既相!! 自 4 月尾病發之後, 最勁既一次。
時間: 2008 Sept 07 17:00 - 17:30
地點: 泳池同屋企
相片都影得好清, 驚既唔好 scroll 落去啦。
:
:
:
:
:
:
:
:
:
:
泳池直擊: 背 + 手臂
返到屋企自拍: 雙肥腿 (身都有, 不過影唔到!! 返到上樓, 手臂冇事啦)
難治非不治 蕁麻疹 我的健康 Next