2mweb.net

今日第一日返公司, 跟之前一樣, 間歇性敏感起來。
一返到去, 先打數個'哈次', 配返個口罩先。
Shit!! 過一陣, 塊面起粒大癩。其後到左右手, d 癩會一齊起。
佢地會 last 半個鐘到啦, 之後自己會散。
如是者, 今日起左四五次到。不過都折磨左我成日。

臨放工時, 同同事吹水, 再 show 下 d 敏感手比佢地睇。
佢地建議我去另外一個新 office 上班, 測驗下會唔會有同樣問題。
我而家好似係一個 censor, 公司空氣唔流通就會有反應。

我附近有位同事都有過敏, 好在冇我咁嚴重。
佢既過敏反應係咳。今日下午 1400 - 1600 左右, 奇事發生。
突然聽唔到佢咳, 而我又冇起癩。
咁我就 8 下啦, 問佢當時係唔係覺得有空氣好流通既感覺。
原來佢都係覺得當時真係舒服左, 其實我都覺得。

不過當時公司冷氣係好勁, 坐開面既同事係著哂外套。
唔知點解我坐果行, 可能出風口有問題, 係會焗 d 既。
我之感覺到凍係因為外面 d 風口吹風埋來。
Anyway, 我會好好記錄事發時間地點。希望快 d 搵到個根。

另外, 同位細妹朋友(亦係 blog 友)吹開水。
原本佢之前都係好似我咁, 成日出癩, 要打抗敏針。
自佢 office 搬左之後, 居然冇再發病。
可能, 一個環境真係對身體影響好大。
真係多謝她既分享呀。

係公司起疹, 除搽平安膏, 放下手頭工作外, 就係影下相做個記錄!!!!
為左作個比較, 再送上返到屋企後既肥美平滑雙手一對。