又係一對肥手
25 八月 2008,我的健康,
真係冇咩心機, 來來去去都係影住對手。星期一同二既戰況, 成手成腳平安膏。又係平時咁, 快來快去, 不過好痕。痕到對手都打唔到字, 集中唔到精神。我100%肯定, 公司地毯有蚤!!
之前, 我出左個 post 係關於 '病態樓宇綜合症' 或 'monday illness', 其實正正係我而家既情況。我發覺我要適應期。星期一二, 過敏情況嚴重。星期三四, 開始對自己既位周圍既物件都冇過敏, 但如果要開會, 離開自己位, 去其他地方, 情況跟星期一二相似, 情況嚴重。星期五既時間, 情況係最好。另外, 以前未有過敏症時, 星期一都比較易病。可能星期六日夜左訓, 一到星期一就怪怪地架啦。我係呢間公司活左好多年, 個位越來越細, 空氣越來越差, 病情越來越麻煩。
其實回憶一想, 我身體既病痛似乎係個人問題, 可能我思考方式同做人處事, 如果處理壓力等都是我導致自己病既原因。以前細個讀書, 都算係乖果批, 我平時好少發燒既大病。但出奇地, 一完了大考, 就會病倒, 前後唔夠半日就病左。中五果年會考完左仲入埋醫院切左條盲腸。到出來做野, 忙 projects 時真係頂到衡, 一到假期就有痛症出現, 好多時都係星期日發生添。之前我米講過我想了解順勢療法, 我諗下諗下, 其實要我去接受另一種唔知得唔得既治療, 仲要洗大舊錢, 仲要時間去了解!! 又唔知幾時好返.. 我諗呢個又會係另一種壓力。與其迫自己去治療, 不如自己醫自己, 減壓或壓力轉移!!!! 過敏症, 好明顯係 d 富貴病!!! 冇錢邊敢有呢個病!!! 我嬲嬲地洗哂 d 錢, 買返幾個 LV, 買多 2 件衫, 冇錢自然唔敢病!!!!
今日發住咁多勞 so 先~~ bye~~
Monday illness 我的健康 Next