塵從那裡來 之 有冇咁大舊塵
24 五月 2008,我的健康,
真係唔係親眼見到, 真係唔敢相信公司 d 塵係嚴重到咁, 唔病真係有鬼~~
話說, 自我買左部 Philips 空氣清新機之後, 我係屋企每日都會開個 filter 來睇下係米真係會將 d 塵成功吸到, 日日都係食白果咁淛, 只得少少塵。雖然冇咩塵, 亦唔知部機 work 唔 work, 唯有星期一帶左部返公司用, 睇下 work 唔 work 同有冇幫助~~ 星期二下午, 開個 filter 來睇, 有好多明顯睇到既塵, 有紅, 藍色既毛毛, 好多好多.. 都唔知係邊度來.. 奇~~ 清理左 d 塵, 決定星期五再睇過... 今日 11 左右開來睇.. 唔係化~~ 有冇咁勁, 用個梳將 d 塵整埋一舊, 可以有咁大舊塵~~
即係咁, 如果我唔係放左部機係我前面過濾下 d 塵同空氣, 平時係米我個鼻吸哂呢? 我個氣管同肺米成為一個 filter!!! 導致我 IgE 嚴重上升!!
另外, 加埋公司冷氣出風又有問題, 成個星期都未改善到, 今日天氣熱左 d, 人又返齊, 立刻聽到前後左右既同事們 '哈痴.. 哈痴.. 哈痴.. 哈痴.. 哈痴.. 哈痴..' 係連續性 '哈痴'!!! 唔好理咁多, 我決定係公司長期戴口罩.. 仲要買 d 有納米既口罩添~~ 因為今日戴 d cheap 野, 個鼻都勁癢~~ 真係咩公司來架.. 塵從那裡來呢?
個個問我, 你點呀, 好 d 未~~ 我的健康 Next