2mweb.net

早幾日, 大家都感覺到秋天, 呢 2 日又熱返 d。
天氣變, 身體都在變。

上星期日, 冇啦啦發燒發到 101 度。
當時, 我係打緊麻雀, 感覺好熱。
明明天氣轉涼了啦, 點解咁熱??
探一探, 原來發燒, 立即整杯盒仔茶加冰袋。
一定係中午去食 lunch 時吹一吹, 冷親啦。

麻雀照打, 糊照食。雀友們, 我贏左你地既錢真係用來拾藥。
人真係得意, 有賭運就冇健康運。
如果有得選擇, 我要健康運。

好在發燒只係發左幾個鐘, 臨訓時都退左燒。

轉天氣, 身痕少不免啦。心口, 體無完膚。
係屋企都有時都有少少敏感。不過快來快去。
希望天氣快 d 定下來, 我就唔洗咁辛苦啦。

呢排, 早左眼訓, 好多時都懶唔 update blog。
都係去 d blog 友睇下 post, 留下言而已。
今日, mood 到 + 因為公事要 standby。
一路做公司野, 一路寫 blog, 一次過出返幾個 posts 先。