09年6月近況
17 六月 2009,我的健康,
早 2 weeks 可能工作壓力問題, 導致成個星期都便秘
食好多菜, 蕃薯, 西梅汁, 生果都冇用
我唔敢食瀉藥, 我用左"甘油條"來解決
襯住呢個機會, 安排今星期五入院
照下條麻煩腸順便做埋其他 body check
我好想知我子宮個纖維定水瘤有冇大到
膽固醇有冇高到, 脂肪肝有冇大到
係呀, 除左之前既敏感, 我其實仲有好多問題
其實呢 d 問題係過去 2 年身體最差時起風癩入院驗到的
膽固醇, 脂肪肝係我最擔心既問題
我希望呢 d 問題係同我當年係病發, 藥物及我食煙既影響
去年 5 月到而家, 我已經少用藥物, 又戒左煙
而過去 2 個月, 我真真正正感覺到自己有返健康
一個月至少有 3 個星期都係精精神神
只有 period 幾日差少少而已
原來努力改變自己思想, 鍚自己多 d 真係有助減壓
壓力少左, 敏感都比我趕走埋, 真係少左好多煩惱
成個人有返 d engry 做其他野, 如減肥!!!
肥, 真係有好多原因, 我肥既原因最主要都係.. 天生!!!
後天因素有少郁動, 坐多, 同埋新陳代謝慢!!
加埋成日食藥, 真係肥腫難分!!
我早 2 weeks 忍唔住花費買左個脂肪磅
因為我自上個月開始做運動, 係 d 普通浴室磅度磅係輕左
不過我想知我係輕左水份定脂肪定其他
雖然有好人都講果 d 磅好流, 我諗流極都可以做一個指標
一上磅嚇死我, 同我原有個磅重左 4 磅, 身體有 3份1 係脂肪!!
既然膽固醇, 脂肪肝主要元兇係肥胖, 一於靠運動減下肥
我係屋企原地跑, 急步係走廊行, 左跳右跳, fing 下手, 呼拉圈, situp 等
雖然唔係正統既運動, 做佢15-30 mins, 夠我出到成身汗
雖然磅數唔係上落好大, 脂肪比例係真係少左約 1 %了
成個人冇咁浮腫, 原來真係郁下, 出下汗已經令新陳代謝快返 d
皮膚好返 d, 夜晚又好訓 d, 人真係精神 d
09年仲有半年, 為自已定下大計啦
做完 body check 確定自己身體問題
如有問題, 真係要解決下先
如果冇惡化就努力做人!!
其實過去 2 個 cycle 嘗試都失敗左
可能有 d 緊張, period 冇以前咁準
導致排卵都唔準, 而家早上量體溫
睇下把唔把握到時機啦~~
nokia 手機痴 我的生活 Next