04 七月 2011,我的生活,
2011的一個生日
是我做媽媽前的一個生日
雖然老公冇為我準備禮物
不過BB已是老公送給我一份最好的禮物了~
同朋友屋企分別慶祝~ YEAH~
Continue
16 四月 2010,我的生活,
出左 bonus, 搵 d 野攪下
見間屋住左咁耐, 冇裝修過, 攪攪佢
呢個四月真係好忙!! 而家忙緊搬走 d 櫃
油下油, 等新櫃入伙
Continue
16 四月 2010,我的生活,
生日月!! 又 easter!! 囉左7, 8, 9號假, 連放10日假 yeah!
Continue
16 四月 2010,我的生活,
有成20年冇全家返鄉下
一行6人, 多左我老公, 返左轉中山
幾 warm 呀, 老豆同 d 親戚講
以前係我帶 d 小朋友去玩, 而家佢地大啦, 帶返我地 d 老野去玩~~
Continue
16 四月 2010,我的生活,
又一年了, 希望新一年心想事成, 身體健康!!
朋友介紹, 去左批命!
師父講既野都幾負面, 不過以命論命
可以我條命係咁, 不過我又覺得
性格可以改變命運既
負面野包括: 同老公會成日鬧交, 遲地佢有外遇!!!
辛苦命, 搵埋搵埋比哂屋企
兒女緣薄... 啦啦啦
Continue
01 二月 2010,我的生活,
12/31 公司早收, 都係約左三五知己係我屋企聚聚
老公整左個焗豬排飯, 另外買左 d bbq 食品來韓燒
食飽飽, 女的打牌 (贏少少啦)
男的鬥地主飲啤酒, 小朋友的自己玩
Continue
01 二月 2010,我的生活,
12/24 公司 party 完就可以收工
今年算係抽到 d 大 d 既獎
話說先係 table draw, 一人抽一張紙
會有 8 個人分別抽到 no 1-8
其餘既人就會扣到白紙, 抽到白紙就要填自己名再抽大獎
結果, 我係抽到白紙, yeah
Continue
01 二月 2010,我的生活,
又冬至, 又係一年快要結束
由於正日要同老公一家做節
所以我同娘家提早做節同埋慶祝埋呀媽生日
去了打邊爐~~ hehehaha 過了一晚
老豆呀媽開始好和睦相處, 大家都開心了
Continue
01 二月 2010,我的生活,
又係飲, 今次係去 megabox
呢個商場, 真係街坊同有車人士先會去
行頭果幾層, 成個大陸 mall
又冇人, d 野又平 (不過買唔落手)
係上到頂幾層有幾食, 有戲睇, 有冰踏先多返 d 人
好在近聖誕, 有 d 佈置, 用手機係咁2影返幾張相
Continue
01 二月 2010,我的生活,
又係一年一度老公生日
冇禮物, 有蛋糕, 有野食, 有朋友
老公, 生日快樂!!
Continue
01 二月 2010,我的生活,
同埋堂妹們, 姑姐姑丈
老公, 細佬妹, 媽一齊 bbq
過了開心的一天
Continue
01 二月 2010,我的生活,
由9月開始, 飲左咁多餐
都係老公果邊請飲
一個係表弟親戚請, 另外三餐係表弟s
今次到我果邊, 係堂細佬
好耐都冇咁齊人, 呀麻生日食飯都冇咁齊
呢個堂細佬都成10年冇見
其實大家去飲應該好開心既
可惜上一代既家族問題, 某程度上影響了某些人
最終有些人係唔開心
上一代既問題已經去到無稽, 無中生有
呢個家族問題一路都令老豆好困惑
就係事情去到咁ridiculous既地步
老豆開始學會放低, 唔再自尋煩惱了
就因為咁, 心事放開了
身體好了, 為老婆仔女著想
所有好運都來了, 連他的金魚都生魚仔啦
希望09年的所有不快, 2010年, all the best!
Continue
01 二月 2010,我的生活,
呢 2 個月勁多人請飲, 飲左幾多餐都唔記得啦
行開永安, 買我最愛既花茶包, 上倉了~~
舊髮夾好 kick 頭髮, 要換了
新夾比之前大左 d, 不過效果唔錯~~
細妹去左 disney 做
成家都要用米奇匙扣
另外, 老公生日就到
要搵 d 新攪作, 想係屋企韓燒
買左個類似既爐, 係烤爐
勁好用, 唔洗用油, 又唔煙, 又唔"痴"底
個爐$200都唔洗, 抵用~~
Continue
01 二月 2010,我的生活,
戴了矯視隱形眼鏡爛左
要做返四眼妹
又唔想配返矯視鏡住
買對大眼仔玩下
戴左後, 再加埋劃條眼線
對眼真係有神左
攪到真係唔想戴返矯視鏡
到夏天要游水自配返啦~~
Continue
31 十二月 2009,我的生活,
新年快樂~~
09年都算過得唔錯~~
最大欣慰係父母開始懂得做人開心啦~~
我唔洗再做佢地既社工啦~~
09年既身體當然比08好~~
2010會更好~~
Continue
18 十一月 2009,我的生活,
雖然我係 hea 睇富貴門
因為套戲太多瘋癲既人做啦
(我有追宮心計)
不過想講下尋日一開頭果段
呂良偉被人綁架後, 精神出現問題
佢失禁果下野, 比佢老婆睇到
再另一次失禁時, 老婆就扮睇唔到
因為唔想老公羞愧!! 提都唔會提!!!
Continue
16 十一月 2009,我的生活,
經過幾個月既中醫調理, 自我減壓, 真係有 d 起色!!
又未至於 0 病痛, 至少最折磨我既敏感, 便秘同經痛
已經大大改善!!
敏感 - 係天氣凍同乾燥先會起
食完 2 粒抗敏藥就好返
今日又冰冰凍, 又起左少少, 可以接受!!
今年前後差微起過 2 次~~
Continue
01 十月 2009,我的生活,
2009 既開始就好懶
blog 都冇 update
今日先寫返 xmas 的事
2009 既開始, 算是 ok
敏感冇來搵我 (touch wood touch wood)
月事不是太辛苦
不過有點血壓低
沒有嚴重頭痛
Continue
01 十月 2009,我的生活,
今年聖誕交換反來的禮物, 有份其實係自己買既
仲好想抽返, 結果真係抽返, cool~
Continue
01 十月 2009,我的生活,
公司 xmas party!! 有得食有獎品有拍照留念, 算係咁~
Continue
01 九月 2009,我的生活,
時間真係過得快, 又 9 月啦~~ 2009 年又得 4 個月!!
呢 2 個月, 我努力睇中醫調理身體, 真係個個 week 去睇
真係有明顯改善既效果, 早 2 日我仲可以去捐血, 捐完仲冇暈!!
成個人好 fresh, full of energy!
Continue
27 八月 2009,我的生活,
係公司, 用 mobile 版會冇咁覺眼, 又想加表情符號? 打 command 都得~~
Continue
22 六月 2009,我的生活,
老豆因病退休都差不多 2 年
係呢段日子, 多了機會跟他溝通
發覺佢對家人既信心不夠, 關係凍冷
初初唔係日日就隔日同呀媽嘈, 唔識相處
仔女出聲勸交, 佢以為我地唔仲意佢, 叫佢收聲
可能當年為養家及其他原因, 根本冇佢老婆仔女一齊成長
形成了隔膜!
Continue
27 五月 2009,我的生活,
好耐冇試過咁多野做
真係想做死我
我又唔想 OT
唯有 lunch 一食飽就即做
攪到去大, 小2便都唔得閑
連飲水時間都冇
呢種非人工作已 2 weeks 啦
Continue
25 五月 2009,我的生活,
又差不多成個月冇 update 個 blog
一個字: 懶
而家係屋企好少上網, 就算上都係睇 movie 多
唔係好願打字 =)
我仲有母親節當日節目未寫 blog
冇緊要, 有相, 遲早有日我會寫返
Continue
25 五月 2009,我的生活,
柴九真係講得好0岩
人生真係唔係好多個十年
過去呢十年真係一支箭咁過左
出國留學, 完成學業
第一份工試用期完被炒 (公司既問題)
搵到第二份工, 一做做到而家!!
買樓, 買車, 拍拖, 分手, 結婚, 流產
賣車, 入院, 身體差
處理父母關係, 養多頭家
好多風浪, 有起有跌, 好在頂得住!!!
下一個十年又會點呢?
生仔, 教仔, 返工, 搵錢
注意健康做個快樂人!!!
Continue
29 四月 2009,我的生活,
哎.. 痛..
今早請病假, 頸手真係好痺好痛.. 又訓唔到覺
呀頭叫我請夠 2 日.. 多謝..
我會珍惜休息時間..
另外..
今日又係病住咁慶祝結婚周年.. too bad!!!
3 周年了.. 時間真係過得快..
Continue
26 四月 2009,我的生活,
不經不覺又一年
上次病發發到變豬頭係 4/25
病發後決定戒煙
一來真係食唔到
二來越食就會越影響身體
Continue
25 四月 2009,我的生活,
好耐冇係 blog update 過自己近況
自 BB 走後, 我主要係做安慰工作
電話講不停, 好在, 一切已成過去
生活, 再次回從正常
最近, 我身體習中對抗痛症
久違了的肩頸背痛又來找我
人, 真是神奇!!!
可能我身體不能 multi-tasking!!!
身體忙於對抗痛, 敏感返而少了煩我!!
Continue
25 四月 2009,我的生活,
呢個 easter, 話咁快就完左
咩地方都冇去過
只係有日落左屯門行街
又買左好多 PETER RABBIT!!!!
Continue
25 四月 2009,我的生活,
個人 reference only!!!
- 我愛既 peter rabbit 床單
- 唔想變吸濕大笨象, 冷暖抽濕機
- 唔想頭痛, osim 按頭器
Continue
25 四月 2009,我的生活,
4月7日 - 呢個日子係我大哂!!!
開始失憶
我真係唔記得最近幾年生日點過
可能我一向都唔仲意慶祝自己老一歲
我已經唔記得自己幾歲啦!!!
Continue
25 四月 2009,我的生活,
出生於落馬洲的我
雖然嫁左, 都不會影響每年拜山節目
呀爺葬係落馬洲
係元朗搭 20 分鐘車就到
細妹細佬拿住相機影影影
細佬影左張我好仲意既合照
Continue
25 四月 2009,我的生活,
BB 走了整整一個月
她有了新的家
這新的家令各人安心
雖然家人說仍有點不習慣
但至少大家不是再帶著傷心
這個家的名字叫 - 伴著牠 http://angelspath.hk
Continue
29 三月 2009,我的生活,
除我結婚當天的合照, 原來之前的合照已是10年前了
看一看照片, 很好的感覺, 永遠懷念妳
妳的離開, 對每一個人都有不同啟示
令妳身邊每一個人都長大及成熟
妳教會每一個人要珍惜眼前人及一事一物
傷痛只會暫時, 各人回想妳走前的行為
真的是教人習慣, 不要為妳太傷心
Continue
27 三月 2009,我的生活,
今日係 BB 火化日子
對唔住, 我承認我沒有勇氣送你呢一程
雖然我同妳真正相處時間唔多
但永遠分開既感覺真是很痛
百年歸老, 妳都不往此生
妳受萬千寵愛, 走了令人懷念
妳該不希望大家為妳流太多眼淚
妳安心走吧, 我會幫妳照顧婆婆公公
Continue
12 二月 2009,我的生活,
都成個月冇 update 個 blog
一切其實安好
身體幾好
呢個新年都係一如以往
初一周圍走!! 周圍豆利是又派利是
初二係屋企叫齊屋企人同朋友係屋企開年
仲有打下台灣麻雀添
初三就係屋企休養下準備初四開工
Continue
12 二月 2009,我的生活,
唔錯!!
用左 2 日, 當埋 monitor 用, 真係唔錯!!
自睇完高清後, 真係唔想睇返傳統29吋
呢部電視真係會影響夫妻感情
已經 3 日冇同老公係廳睇電視啦
不過, 最主要係要係 7 日內試清楚部機
Continue
12 二月 2009,我的生活,
我個 wish list 完成左好多啦~~ 過左個農曆年之後, 個人懶左好多, 連 blog 都唔寫~~ 我會慢慢 update 返~~
Continue
19 一月 2009,我的生活,
今日農曆年特別早, 根本唔夠時間準備過年
星期日出了宜家買新窗簾, 來一個變身
今個星期開始, 每日收工後回家打掃, 左抹抹右抹抹
一個字: 攰
Continue
10 一月 2009,我的生活,
上個月搬左個琴返來, 經努力一番
彈到一首(似)歌啦, 當然有代改善
真係成10幾20年冇彈, 咩都比返哂先生啦
想欣賞一對肥手, 著心心睡衣, 彈得過得去既彈奏, 按 play 吧!! 多多指教!!
Continue
25 十二月 2008,我的生活,
平安夜 12/24/08, 公司有 party!
冇 bonus, 有 party 都好過冇!
做野做到 1 點就去左某酒店開餐
今次 d 野食 cheap d, 返而食完冇事
好啦, 抽獎開始, 跟以往不同
以前公司人少, 人人有獎品
而家多左成倍人, 今次只有一半人有份
我都被抽中, 唔知係好彩定唔好彩呢?
中左盒會食肥人既朱古力!! 食左幾粒, 好味~~
Continue
23 十二月 2008,我的生活,
冬大過年, 我地係做冬前一日做節
老爺奶奶一家今年入來做節, 仲要帶埋成90歲既姑媽入來
除此之外, 我爸媽仲有細妹, bb 都一齊來
細佬缺席因要返工!! 不過我地會留返比你既!!
由於星期六, 出去食就幾貴, 唔想呀大伯破費
咁我地用一半既價錢, $1500左右, 自己煮!!!
邊個咁有心機, 當然係我老公啦, 佢已經3日前買野啦
有盤菜, 清湯牛腩, 龍蝦伊麵, 清斑, 蟹, 乳鴒
個個都話 yummie yummie!!!
食飽飽, 來張大合照, 睇下幾齊人!!
Continue
23 十二月 2008,我的生活,
琴, 終於搬了來我家!!
星期天, 急不及待, 彈奏一兩首
oh! 真的通通忘記了
經約半小時的苦練, 掌握到一點
我在網上 download 了好幾首琴譜
最容易的有"幾分鐘約會"
已經會彈前一段了, 但是仍很嚇人
希望我有恆心, 繼續練好這首歌!!
下面那張相是我跟姪女玩新玩具時整的
一粒一粒膠珠排好, 再加一點水
膠珠就會黏在一起, 再放在介子上
做成一隻美麗玩具介子了
Continue
23 十二月 2008,我的生活,
小吉來了陪小雲!! 多謝老公~~
另外, 自買左部 hifi 仔後, 一直都想駁埋去個 monitor 度
早個星期, 突然炸炸下機, 諗起我有個 tv box
原來可以 convert vga 去 av!!
攪下攪下, 因為 d 線又唔夠長, 電腦要搬屋上窗檯!!
如果落雨唔記得關窗又或入水, 我部腦就可以 bye bye, 真係要小心 d!!
當所有既整理好哂, 我每晚都好 relax 咁係張床聽歌打 nds!!
um.. 唔知係米天氣凍左既關係, 我部 nds 好似壞壞地
有少少接觸不良, 成日 hang 機!!
我呢期已經好窮, 屋裡 d 野壞哂, 慘:
- 廁所抽氣扇
- 廁所燈燒左
- 飯, 客廳又有 1 燈燒左
- dvd 機壞左冇得整
- nds 開始壞
Continue
15 十二月 2008,我的生活,
各有各忙
老公, 就因為做冬時, 家人到我家食飯 (佢煮)
所以要將家居清潔一下
另外, 因為就農曆年, 都要大清潔一下
提早準備一下都好既
而我, 就因為今星期五係娘家搬琴來
我要將細房雜物清理一下
另一可以收藏既地方係床下底
一路拾一路有開心回憶
原來開心可以好簡單
來緊幾個 blog 既 entries 都係同過去開心回憶有關
聽日先慢慢寫, 待續...
Continue
10 十二月 2008,我的生活,
又到聖誕, 上星期一, 收工返到屋企, 見到窗台好乾淨
原來老公為聖誕而準備
食飽飽後就開發佈置啦
完成了!!
Continue
08 十二月 2008,我的生活,
嘩, 我好仲意呢張相~~ 我同呀兒真係好似訓左咁~~ 好 relax~~
唔識游水既我, 已經一連 3 星期都去左游水, 放棄左 gym。
只要有一件小童黃色救生衣 (呀兒, 你大個 d 先比返你用啦, 暫時比我用住先) 就可以令我仲意用雙手游又得, 雙腳游又得, 甚至訓係度都得~~ 雖然唔及做 gym 出咁多汗, 但勝在真係全身運動。小童黃色救生衣係比浮板好用, 極有安全感, 只要張件衫向前著, 穿雙手出來, 咁成件衫就係心口啦, 唔怕會沉啦~~
Continue
07 十二月 2008,我的生活,
我買了它!!
其實一直想買一部 mini hi fi 好耐
想係房睡前聽下歌, 輕鬆一下
不過我遲遲都唔賣, 唔捨得
我實在太唔愛自己啦, 掙扎左 10 mins, 買左!!!
外型比其他影音牌子較 classic, 木色好靚
功能方便, 有我最想要既 usb plug and play!!
唔洗下下燒 cd 先有得聽
由於我仲用緊 n 年前既 lcd monitor, 冇 av input/output
聽日要買貫條 vga 轉 av cable 先可以駁埋個 monitor 睇 dvd
Continue
05 十二月 2008,我的生活,
開心, 記住佢!!!
老公, 生日快樂!!! 原諒我冇禮物, 但有無限心意
我覺得我唔再病, 唔再發皮四已經係給你最大禮物
冬天生日, 有咩好節目? 當然係燒下野食啦
我朋友哥哥係我屋企附近開左燒烤場
平平地, 成班朋友聚一聚, 開心了一晚
我個實在太懶, 朋友們都愛影相
我坐定定影就可以
到時到候去返佢地既 blog 偷相
Continue
29 十一月 2008,我的生活,
嘩, 12 月一到, 大件事, 食到停不了
- 老公生日
- 呀媽生日
- 老公屋企做冬
- 呀媽屋企做冬
- 聖誕節
唔肥就有鬼啦
Continue
29 十一月 2008,我的生活,
成個 11 月原來冇寫 blog 既原因:
懶, 忙住睇電視
要返工 (我係 11 月第 2 個 week 已經日日返工啦), 收工已經好
心情麻麻 (我唔係將唔開心既野記低)
冇咩特別事發生: 係公司已少左敏感 (發生既機會由之前 90% 到而家 10%)
天氣凍左, 要早休息 (我晚晚 11 點幾已準備訓)
織左件披肩比自己
織左件衫仔比 bear bear 熊
Continue
22 十一月 2008,我的生活,
今年應該係我第一次買六合彩
而我個無聊老公就會期期"度"同買!!!
我點解無啦啦會買六合彩?
因為公司派桌上月曆, 而我果個係錯體的
4月同9月係調轉釘, 即一頁頁睇時係 1, 2, 3, 9, 5, 6, 7, 8, 4, 10, 11, 12!!
我同事叫我記住買六合彩, 係得我一個中左個錯體
Continue
31 十月 2008,我的生活,
朋友織好頸巾叫我幫手埋針!!
呢隻冷又幾抵織($20+ 一舊冷)又幾靚。
牛太, 我已經加織一個洞來穿個尾入去, 方便戴。
Continue
15 九月 2008,我的生活,
一年一度既中秋就係充滿快樂既氣氛低下完結左囉。
雖然我地冇準備中秋節目, 因為實在太熱啦。
跟平時假期一樣, 食完下午茶就上我度。
可能轉天氣, 個個平時唔病都開始病病地。
有幾個都咳!! 可能呢幾日轉吹左北風啦。
我 keep 得幾好, 唔好攪我!!!
狸氐, 牛氐, 蟻氐起初都係中哂眼訓。
因為 3 缺 1, 少左鹿氐, 好在差不多 5 點上左來。
例行公事, 打 8 圈, 殺呀!! 殺呀!!
因為蟻太好病, 佢唔講野, 少左好多歡樂。
比牛太唔聲唔聲大殺 3 方。
打完牌食完飯再食埋月餅, 鹿氐走左。
我地冇咩攪, 蟻生捉人玩地主, 輸左飲酒!!!
Continue
15 九月 2008,我的生活,
它天天在變, 我也是。
Continue
15 九月 2008,我的生活,
一早起身係屋企返工!! 皮蛋出左去買早餐。
就係呢個都唔知幾多年都冇食既麥記早晨全餐, 好味~~
Continue
15 九月 2008,我的生活,
家中新成員 - 2 名獅頭。都唔夠我老豆果 2 條肥既。
sorry! d 水黃左 d, 同埋唔夠光!!!
Continue
15 九月 2008,我的生活,
又到一年一度既中秋!!!
呢個真係人月兩團圓既時間。我同皮蛋真正既開始係 2003 中秋。
相識就係 1999 既 9 月份, 都係差不多中秋時節。
月, 開始圓起來。送上今晚月亮一個。
Continue
12 九月 2008,我的生活,
唔知好事定壞事, 舊年我有慶祝生日咩!!!
我完成冇印象了
人老了, 記憶都差了
寫 blog 一定有幫助
Continue
05 九月 2008,我的生活,
我今日係病假!! 尋日係公司又發癲, 好痕。
明明公司星期 5 先洗完地毯, 仲衰過唔洗。
真係可能人多既關係, 一返齊人就唔夠冷氣。
好焗, 又起!!! 都唔知打字好定 R 痕好, 冇辦法集中。
再加埋尋晚個天, 閃閃閃仲有行雷聲, 冇法入訓。
今早明明起到身, 但一諗到今日又要返去折磨就繼續訓。
既然喉嚨都未好, 又起飛滋再加埋成身有 d 怪粒粒 (好似蚊蘭會痕又會損既)。
再去睇中醫。醫師幫我把脈, 佢話我係 d 敏感麻煩同埋好熱氣,
脈像比之前好好多。其實我而家係鍚身, 唔想比自己病。
係仲可以休息既時間, 休息下 (因為大 project 已完啦)。
睇完中醫, 行返屋企。突然有個念頭, 洗錢, 冇錢就唔會病!!!
買買買, 3 件衫, 1 條褲, 1 個手袋再加 1 對未囉得既鞋。
全黑!!! 一個冇心機扮靚既人, 一定要黑。
右下角條裙個夾位真係窄左 d, 除衫時好辛苦。
再睇睇下又唔係好仲意, 聽日囉要換其他野先 (希望比換啦)。
好, 財散人安樂。今個月冇多餘錢睇醫生, 乖乖地啦。
Continue
05 九月 2008,我的生活,
今日行程都好密。先食下午茶, 行下屋企樓下百佳。
返屋企坐陣, 再出發新元朗中心百佳。
最主要想睇下超級廣場係米多 d 野食賣。
自唔食小麥製品後, 少左好多野食。
搵下有冇 d 米製既小食。冇令我失望, 都有幾多收穫。
去完 shopping 就同老豆食晚飯。老豆牛一!!!
老豆老媽和睦左好多, 冇再食飯頂頸囉。
希望老豆老媽健健康康, 開開心心, 享受晚年。
老豆而家係屋企好多節目。
剛才返老家, 發現老豆囉返以前 d slide 來睇。
真係好珍貴, 有 d 我根本未見過的。用手機影影先。
我相信而家既科技可以將舊時 d slide 變返做相既, 問題係唔知幾錢。
最後, 呀媽囉左 d 舊相出來。居然忘記了我想當年...
型得很, 笑了好耐!! 想當年 15, 16 歲學人走去影"沙龍", 真係值得留念。
好, 去睇相啦。
Continue
30 八月 2008,我的生活,
我部怪機, 係星期一開始玩野。
按 POWER 制只係郁一郁風扇, 著一著 HARDDISK 燈。著唔到機!!!
熄左火牛再開返試試, 仲衰, 冇哂反應!!!
神奇地, 15 MINS 後, 又有返 d 反應, 不過都係開唔到機。
要不斷不斷嘗試, 約一個鐘左右, 幸運地又會著到機。
當成功著到機, 部機又好正常, 似乎係關 d 電事。
今日問 d network support 同事, 佢都冇遇過, 你話幾奇呢。
之後, 上網一 search, 原來唔係得我一個係咁。
Continue
25 八月 2008,我的生活,
睡床!!! 我同我老公是指定睡那一邊的。我成日都想睡我老公那邊, 佢成日都唔比。
早 2 日, 我病, 我話訓過果邊會頭痛, 要試下訓另一邊。佢見我病都死下死下, 佢比左訓。
平時假期, 老公一定早過我起身, 我就好賴床既。呢 2 日我訓左佢果位, 居然早起身過佢!!!
唔通訓既位置真係會影響人既能量!!! 今日我仲有氣有力到係度抹左櫃 d 千年塵。
仲有好有心機從新放置所有物品。
Continue
25 八月 2008,我的生活,
細佬要換部單鏡反光機, 佢部半自動既傻瓜機半價平賣比左我。
本身我唔仲意玩燒錢既玩意, 原本問問牛媽要唔要呢部機。
但皮蛋話我地都冇部似樣既相機, 不如我地要啦。結果, 我地要左。
我第一部 dc 係 cannon 得 200 萬像!!
同而家相比, 好似幾個世紀前咁, 真係放埋一邊當珍藏好了。
好, 試機。唔錯唔錯, 慢慢會掌握得好 d!!
Continue
25 八月 2008,我的生活,
8 號風球的節目。病住唱 k !! 好節目。
自結婚果日 (2006年4月29日) 唱過, 之後都未唱過。
原來, 玩時係會忘記自己唔舒服架。
下場係麻雀耍樂, 真係耐力戰, 最尾 4 圈真係冇電了。輸輸輸!!!
另外, 9 號風球係冇野好食架。去 7 仔買即食食品!!!
Continue
17 八月 2008,我的生活,
開始:
先將頭髮分開 2 大邊 (好似扎小朋友孖邊咁)。
再將每邊平均細分。如果頭髮好似我咁少, 分小 3 份就 ok。
將最後一份取起 (由後面近頸果 d 夾起), 把頭髮中間部份向內夾穩 (開始看上圖)。
慢慢將個夾拉到最尾, 拉既同時, 把夾上面 d 頭髮一路向內捲上支捧度 (好似 d 電髮師父咁, 電過髮既你, 應該知)。夾好後, 約 10 秒放手, 如不夠曲, 重複。
先夾好下面 d 頭髮, 再重複以上 steps 3 -5, 再夾好上面。
重複 steps 3 -5 直至所有小分出來的頭髮夾好。
Continue
17 八月 2008,我的生活,
談扮靚, 我諗我最叻係夾頭髮。我呢 d 圓面人配直髮, 唔 ok, 仲肥。呢 7 - 8 年我都係曲髮。以前我係會去電髮既, 我 d 髮質好幼同薄, d 曲紋唔會 last 會耐。係我決定 2006 年會結婚時, 我再留長 d 頭髮, 亦都唔再電啦, 就係買左 VS 既曲髮夾自製曲髮。我用幾次已經掌握到技術, 5 mins 就夾靚靚啦。有時 d 同事問我個頭係邊電, 我話自己夾架。佢地就會好出奇咁講, 嘩, 米好麻煩!!! 事實係.. no no no.. 我夜晚沖完涼洗完頭, 吹乾, 用 5 mins 夾好, 訓。如果果晚唔係好反訓, 第二朝都唔洗補夾, 就算補夾都係 2 mins 攪掂。
Continue
13 八月 2008,我的生活,
話說呢幾位舊同學每年都會出來一次聚下餐, 談下近況。嗶, 中五畢業了有成16年 (um.. 我係呢刻仲未介意比人知我有幾多歲.. hahaha)。時間過得真係快, 以前返學既日子仍然有印象。相中有兩位已係小學時期己相識。係我隔離是小三已同班, 認識最耐的一位。中間那位係小六簽紀念冊時識的。其餘 2 位, 冇咁 friend, 係好似上到中二先識。佢地同其餘兩位 friend d 既。各人生活都好好, 很開心, 願大家都快樂健康開心。
Continue
09 八月 2008,我的生活,
昨日跟舊同學食飯, 一年一次既聚會。一共 5 個人, 5 個人當中沒有一個有相似地方, 個個性格不用, 對人生既睇法都不同。出奇地, 這樣子又可以走在一起?
今早七時起床, 又下著傾盆大雨, 呢排病程 keep 得幾好, 冇謂比雨淋親而病, 立即打比上司申請在家工作好了。他批左, 九點起床, 做到兩點食 lunch, 三點再做到六點。比係公司返工, 我反而更集中, 完成了好多 tasks。可能我呢本人肉字典唔係公司, 少左時間去答人問題同比人煩住, 其實都幾好~~ 最好的是, 一日裡面多左三小時, 平時呢三小時就係我的上班交通時間。
Continue
05 八月 2008,我的生活,
食完飯, 大大完又沖完涼冇野做, 就 N82 出馬, 影下家中某幾個角落。
唔洗問, 魚魚你地係我影得最多!! 鸚鵡已經好返哂, 紅運有一條走左, 另外, 多左 2 條新成員, 其中一條生左 N 咁多 BB, 媽子平安, 條條都冇事 (平時媽媽生左就會走, d BB 都好快行左去)。另一條仲未生。
Continue
26 七月 2008,我的生活,
一日寫返一星期既事都幾吃力! 但只記重點及開心事, 又不是太難~~
無題 1: 型的士一部 - 今日收工搭車望到架特別的士, 車牌 TAX1。車主真型, 全香港真係唯一一架真係有的士牌既的士。唔知車主用幾錢投左個牌呢, 都唔會平!
Continue
15 七月 2008,我的生活,
今早起身, 居然天晴, 影低佢先!! 太陽伯伯, 真係好耐冇見過你, 冇左你既日子我病得很!!! 今日有了你, 特別精神, 搭車返工沒有在車訓, 享受下比太陽伯伯照住既感覺。放工之後, 又去睇中醫啦。今次 d 藥好肉酸架, 仲要好難飲, 又臭!! 明天係公司叮返來飲時, 一定臭暈 d 同事!! 晚上又下雨了, 食完老公整既勝利牛丸 + 魚麵後, 我又突然肚痾肚痛!! 點解唔可以有一日舒舒服服呢? 唔通我係對 d 魚麵敏感? 要下次再食先知係唔係啦~~
Continue
14 七月 2008,我的生活,
我地真係有去做 gym !!! 除我同細妹外, 仲要多兩個朋友一齊玩~~ 齊攪笑~~
爆笑位:
我地入 gym 房冇耐, 有 2 位"型"男又入左來, 我地迫住玩得含蓄點!! (當佢地走左, 我地就好開放啦)。
bibi 係咁影我同 ann, ann 話要拆 SD 卡 (因為冇菲林拆)。
有班好煩既細路趕極都唔走。我地鎖門, 佢地勁拍門都扮聽唔到。
我同 bibi 跳健康舞!!! 佢係教練, 我係學生。
最後來張大合照。係擺哂 pose。
Continue
10 七月 2008,我的生活,
床上用品是我最愛, 一生人最愛的兩處地方是廁所同睡房。繼上次買完床單後, 尋日(係, 當日病假, 睇完醫生, 食埋野, 買返屋企) 行過街市, 見到 d 睡衣, 仲要見到我最愛既心心花。我入左去睇, 而皮蛋去買野煲湯。睇下睇下, 上次我用成 $100 係吉之島買既睡衣, 而家居然同花同款係 $100/3件!!! 立即買返 3 件啦~~ 呢款睡衣係比 2 人世界既夫婦。另外, 都有背心或短袖, 0岩哂有一家大細既屋企。
Continue
06 七月 2008,我的生活,
今日冇節目! 一起身見到個天就唔開胃, 又濕又落雨, 用身痕痕地, 唔好攪女一,姐姐仔, 食返粒抗敏藥先同皮蛋去食晏~~
話說皮蛋成日都要去開果當報紙當買報紙, 今日如是~~ 天又下著雨, 皮蛋見到報紙婆, 佢居然連人帶傘 9 秘 9 向報紙婆方向行左去, 而我就傻下傻下比雨攚住, 跟住佢尾~~ 哼~~ 報紙婆原來重要過老婆, 嬲!!
Continue
06 七月 2008,我的生活,
今日係洗錢日~~ 2:30 同皮蛋出發, 去左元朗廣場 - 生活知味食下午茶, 之後, 係元朗廣場行個圈, 中左入萬寧睇下野, 發現 bio-essence 去死皮 gel 同洗面都勁平, 唔買住, 去左睇中醫先! 再去東提街萬寧再睇下, 都係冇買野, 再去教育路萬寧, 都係冇買野, 去千色睇 usb bluetooth, 好大舊, 又貴, 冇買! 再去萬寧, 终於出手啦~~~ 再去埋小巴站果邊電腦鋪買 bluetooth!! 今日係元朗行左個大圈, 成 5 點, 歸家去了~~ 係樓下百佳入下貨, 返到屋企成個散哂~~ 咁熱既天氣真係不宜係室外太耐~~~
Continue
06 七月 2008,我的生活,
平時唔願郁, 放假只會打麻雀的我, 今日居然落左樓下做 gym! 其實自我病完之後, 都冇點打過麻雀! 一來, 二來唔齊腳。
成 6 點鐘, 我細妹過左來同我一齊做 gym, 叫我一個去, 一定死都唔願去~~ 皮蛋平時又唔陪人去 (不過可能係我藉口)。我做左 8 mins 單車, burn 左 41 calories, 10 mins 腳踏, burn 左 20 calories, 20 mins 散(跑)步機, burn 左 100 calories!! totally 38 mins 運動, 只係 burn 左 160 calories!! 平時飲 d 汽水呀, 食 d 糖呀, 只需幾秒至幾分鐘就落左肚, 如果要消耗哂佢地, 真係要做餐死~~ 唔知下次做 gym 係幾時 不過我好肯定, 今晚一定好好訓, 因為真係會架~~
Continue
03 七月 2008,我的生活,
電器
1. 無線 keyboard 及 mouse
2. 藍牙接收器
3. 2x 吋 lcd monitor (房掛牆)
4. 3x 吋 高清電視機
5. 小音響組合 (房用)
6. 直立風扇
傢俱
1. 換sofa
2. 換餐桌
個人
1. 小皮蛋
2. 我及身邊所有人都健康身體
Continue
02 七月 2008,我的生活,
七月份剛開始了兩天, 都發生了好幾件事。
七月第一天:
天氣終於轉晴了, 跟幾位攝影師 (細妹細佬) 及兩位 model (呀熒呀兒) 以及一眾工作人員 (ann, bibi, 呀 b) 在黃昏時間去了元朗公園影相。
Continue
09 八月 2007,我的生活,
2007 咁快就過左8個月.. 真係快, 原來我已經有半年冇攪過自己既網頁。呢半年究竟發生過咩事?
Continue
24 二月 2007,我的生活,
恭喜發財
Continue
02 一月 2007,我的生活,
大日字過後, 又要收拾心情開工。可惜, 似乎, 事實我既心態仲未放完假。今日都係遊雲等收工~ 用左約大半個鐘記錄返我既麻雀假期。
Continue
01 一月 2007,我的生活,
2007 日曆
Continue
13 十二月 2006,我的生活,
見鬼實錄
Continue
13 十二月 2006,我的生活,
又到聖誕, 又到聖誕, 又到聖誕, 又到聖誕~~
Continue
03 十二月 2006,我的生活,
電腦既然上左路, 當然要 replace 啦~~
Continue
01 十二月 2006,我的生活,
一星期去飲兩日..
Continue
30 十一月 2006,我的生活,
我的電腦上左路..
Continue
20 十月 2006,我的生活,
大日子將會係11月6日。見朋友 i 同細佬 k 真係成功介到, 我都想介。大概一個月前決定。
Continue
07 十月 2006,我的生活,
例行公事: 打麻雀。
特備節目: 去 ann 屋企燒野食。
Continue
07 十月 2006,我的生活,
都唔係幾記得 d 重要節日點過, 可能人大了, 老了, 忘記了。點都係唔記得舊年去左邊。中秋節, 係我同皮蛋...
Continue
15 八月 2006,我的生活,
個人好 down.. 冇心機.. 早兩日頭痛.. 食藥..
Continue
09 七月 2006,我的生活,
幾個月都冇剪髮, 真係長到落屎忽~~ ~~ 剪短左 d, 好唔慣...
Continue
04 七月 2006,我的生活,
想下生 bb, 係米想下就有呢?
皮蛋仲想等多一兩年, 嘩, 唔係話有就有架, 到時我真係高高齡產婦啦, 成34-35啦~ 早 d 有, 早 d 比個重大責任比大家, 仲可以叫做'襯後生', 努力搵錢。如果過多一兩年, 真係唔...
Continue
04 七月 2006,我的生活,
成日打打打打打打打打打打打打打麻雀, 終於輸得甘甘地, 兩日冇左1000大圓!!
Continue