近況
29 十一月 2008,我的生活,
成個 11 月原來冇寫 blog 既原因:
1. 懶, 忙住睇電視
2. 要返工 (我係 11 月第 2 個 week 已經日日返工啦), 收工已經好
3. 心情麻麻 (我唔係將唔開心既野記低)
4. 冇咩特別事發生: 係公司已少左敏感 (發生既機會由之前 90% 到而家 10%)
5. 天氣凍左, 要早休息 (我晚晚 11 點幾已準備訓)
6. 織左件披肩比自己
7. 織左件衫仔比 bear bear 熊
平淡並非壞事, 又話咁快又一個月
呢個月敏感症明顯改善, 希望唔係回光返照
而家係公司基本唔周圍行, 係新坐位唔係有事
但相反, 而家係屋企起多左
係點起? 就係一返屋企換衫除褲時即起
可能, 我收工行返屋企, 對腳好行血
我一返來就換衫, 外面溫度一定比我身體低
一有呢 d 溫差情況, 就身癢, 一 R 就起
我唔知呢 D 同我之前過 D 敏感係唔同左
好明顯因為溫度, 濕度有大分差就身癢
我已好忍手唔 R, 因為一 R 就起到一舊舊
不過, 好在都係快來快去, 5 - 10 mins 就散
至於, 女性週期問題, 仍然痛苦
我而家身體既問題, 已經好明顯啦
如果當我身體係一個有 bugs 既 program
經 debug 左一排, 而家 d bugs 可以 reproduce 到
咁知道問題發生係邊度, 真係易攪好多
而家要 suffer 既時候都係 period 前後
period 前 3 幾日, 一定頭痛
個人感覺到係唔夠氣, 唔夠血
period 完 3 幾日, 又係咁
如果唔洗返工, 係屋企休息, 呢種頭痛係可以忍
但要返工, 一用腦, 有壓力, 過幾個鐘就痛到一發不可以收拾
呢 d 問題, 真係自上次冇左 bb 之後先有, 已經 5 個月啦
呢 5 個月都係咁, 不過我有信心調理好既
而家至少我 non period 其間可以精精神神
雖然痛起上來真係想打人殺人
要我老公一齊同我受苦
但痛完過後, 又覺得身邊既人真係好鍚自己
或者, 有日我痛到死, 佢唔再理我
就代表佢唔再愛我, 緊張我
呢個都係一個幾有效但痛苦的驗證對方有幾愛自己既方法
中左六合彩!?!? 我的生活 Next