中左六合彩!?!?
22 十一月 2008,我的生活,
今年應該係我第一次買六合彩
而我個無聊老公就會期期'度'同買!!!
我點解無啦啦會買六合彩?
因為公司派桌上月曆, 而我果個係錯體的
4月同9月係調轉釘, 即一頁頁睇時係 1, 2, 3, 9, 5, 6, 7, 8, 4, 10, 11, 12!!
我同事叫我記住買六合彩, 係得我一個中左個錯體
返到屋企, 見到老公係度買六合彩, 叫佢幫我買一注
咁我就用 4, 9 組合買左 6 個字: 4, 9, 5 (9-4), 13 (9+4), 36 (9x4), 49 (4同9放埋一齊)
我都冇心去對, 一睇新聞簡報, e! 咁鬼似既!!!
下, 買 6 個字中左 4 個字 (有個字係特別號碼)!!!
好邪囉, 有 d 野真係整定!!! 我老公買 4 注, 一個字都唔中!!
呢 d 米勁囉, 下次真係要搵佢做'燈'
可以買少幾個字!! 中既機會就大左啦
中左之後, 立即打比呀媽, 呀媽話老豆又中左呀!!
我老豆都係成日買六合彩, 但好少中既
老豆又係中左 4 個字 (有個字都係特別號碼)
我同老豆都係共同中左 3 個字, 佢中 4, 13, 31, 49, 我中 4, 13, 36, 49
好邪好邪!! 唔係, 係好運好運先真
有好多野都係整定既!! 而家我日日都留意 d 怪數字
話唔定, 下次又係咁又中左
無聊生活 我的生活 Next