2mweb.net

狸氐, 牛氐, 蟻氐起初都係中哂眼訓。
因為 3 缺 1, 少左鹿氐, 好在差不多 5 點上左來。
例行公事, 打 8 圈, 殺呀!! 殺呀!!
因為蟻太好病, 佢唔講野, 少左好多歡樂。
比牛太唔聲唔聲大殺 3 方。

打完牌食完飯再食埋月餅, 鹿氐走左。
我地冇咩攪, 蟻生捉人玩地主, 輸左飲酒!!!

戲肉到啦~~
牛太出馬, 因為牛生因醉意而小睡。
狸氐先由狸生出馬, 之後由狸太(我)出戰。
而蟻氐就蟻太牌, 蟻生做軍師。

戰況都應該係牛太一路領先。
而我同蟻氐都不相伯仲。
好在我都係飲個頭, 之後都冇咩點飲過。
呀蟻生緊係好耐都冇咁放縱過。
博輸後豪飲加豪嘔。
蟻生接左牛生捧, 去左小睡。
我地呢幾位太太好似上左身。
玩到要 d 男人落去買幾次啤酒。

越夜越激!! 狸生同牛小朋友玩影相。
而蟻小朋友冇電, 見佢爸爸訓左, 走左去一齊訓。
蟻生突然起身, 面青唔比佢老婆飲!! 叫走!! 好得人驚。
我地轉玩 13 張等呀蟻生 d 血氣行得好 d 先比走。
最後, 大家無聊要同月亮姐姐影張相。
去相!!! 各位, 我機果幾張原來好震, 對唔住。

突然回魂既蟻生現身!!

哎, 明明尋晚成 3 點幾先訓。
點解 10 點幾起左身。
仲要拾埋屋, 洗埋碗仲要換埋浴廉。

後話: 以前我飲唔到酒, 一飲就會暈。
尋日都唔係飲好多, 不過有快酒, 都幾 wing 下。
去到最後沖涼果一剎那, 有少少暈。
唔沖又頂唔順, 叫老公睇住, 快沖。
加埋強勁既意志, 沖完醉醉地就訓左啦。