2mweb.net

開始:

1. 先將頭髮分開 2 大邊 (好似扎小朋友孖邊咁)。
2. 再將每邊平均細分。如果頭髮好似我咁少, 分小 3 份就 ok。
3. 將最後一份取起 (由後面近頸果 d 夾起), 把頭髮中間部份向內夾穩 (開始看上圖)。
4. 慢慢將個夾拉到最尾, 拉既同時, 把夾上面 d 頭髮一路向內捲上支捧度 (好似 d 電髮師父咁, 電過髮既你, 應該知)。夾好後, 約 10 秒放手, 如不夠曲, 重複。
5. 先夾好下面 d 頭髮, 再重複以上 steps 3 -5, 再夾好上面。
6. 重複 steps 3 -5 直至所有小分出來的頭髮夾好。

完成:

1. 夾好後, 每邊就有 3 條腸仔。
2. 用手指爪鬆。
3. 完成。

心得:

• 我夾好後, 冇用任何 gel。可能我頭髮本身幼同軟, 所以 last 到全日。
• 如果夾好就訓, 可以唔爪鬆 d 頭髮, 用手指捲向曲既方向, 捲捲捲捲緊 d。第 2 朝先爪鬆。
• 如果第 2 朝有地方開始直, 補夾, 不過時間唔好夾咁耐。因為耐左會有 d 頭髮好曲, 有 d 冇咁曲, 好明顯有 d 係之前夾, 有 d 係剛剛夾。唔想全頭再夾過, 補夾果 d 要比之前少時間 d。練多幾次就可能掌握到要夾幾耐時間。
• 如果你本身頭髮厚, 可以唔洗試啦, 夾完都未必靚, 剪左 layer 先再試把啦。
• 如果分頭髮時, 分得越細份, d 曲會細 d同個頭會爆炸 d。想真係大波浪 feel, 唔洗分咁細份, 咪有排你夾。其實你可以先夾多 d 頭髮, 如果發現髮夾捲唔穩時, 即太多頭髮。如果 d 頭髮受熱唔平均, 都即係多頭髮。如果你做到又夾得穩, 又受熱平均, 即你做對了。
• 夾時, 如果夾開向內就所有都向內。向內向外都冇所謂, 不過先學向內, 易 d 上手。
• 我係長髮差唔多到腰, 所以我分上下夾, 先夾下面再夾上面。如果頭髮只係過膊少少, 可能夾下面就可以。
• 耳仔對上果 d 頭髮多數唔夾, 因為會自然 d。

希望有用啦~~