2mweb.net

又到一年一度既中秋!!!
呢個真係人月兩團圓既時間。我同皮蛋真正既開始係 2003 中秋。
相識就係 1999 既 9 月份, 都係差不多中秋時節。
月, 開始圓起來。送上今晚月亮一個。

尋日, 提早同我家人食飯。老豆又唔想出街食, 唯有呀媽煮!!!
唔知點解呀媽成日話我仲意食蕃茄紅衫魚, 唔通我細個真係好仲意食?
我都好耐冇食過呀媽煮既飯囉, 簡簡單單開心一餐。
飯後來 13 張, 初初以為自己係大贏家, 原來最終係細佬先真。

老豆又學人養金魚。真係一分錢一分貨?
$80 一對真係靚好多。而家缸魚幾靚, 同埋幾有生命力。

問左細佬如何用部 fz18 影到前清後 blur, 佢講左好多野, 我都係唔明。
死記把啦~~ 用 manual mode, zoom, 再用 AF focus 返想影既物件。成功!!!

今日再練練, 唔錯唔錯。我老豆, 細妹, 細佬都識影相。
我老豆直頭係 PRO!! 想當年未有 digital 既時間, 佢已經燒左唔少錢。
而我真係冇興趣!!! 我係.. d 野影到米得囉~~ 死未。
不過, 我都會得閑 8 下 d 基本野, 無聊時就影影。

今日家好月圓好精彩, 呀卡同嘉美分手時我拍手掌。
sa 姨同嘉美真係一絕。雖然我麻麻地徐子珊, 不過佢做戲真係幾得下。
我 d 廿幾歲既男同事, 10 個有 9 個都覺徐子珊同葉翠翠好唔掂。
而鍾家欣就幾討到佢地歡心!!! 同 d young 過自己既男仔溝通下先唔會 out!!!
最後, 如果我老左有呀司棋姐咁正都唔錯。
不過我都係想似朱咪咪多 d。唔講你唔知, 我係朱咪咪 fan!!!!