買買買買買
10 七月 2008,我的生活,
床上用品是我最愛, 一生人最愛的兩處地方是廁所同睡房。繼上次買完床單後, 尋日(係, 當日病假, 睇完醫生, 食埋野, 買返屋企) 行過街市, 見到 d 睡衣, 仲要見到我最愛既心心花。我入左去睇, 而皮蛋去買野煲湯。睇下睇下, 上次我用成 $100 係吉之島買既睡衣, 而家居然同花同款係 $100/3件!!! 立即買返 3 件啦~~ 呢款睡衣係比 2 人世界既夫婦。另外, 都有背心或短袖, 0岩哂有一家大細既屋企。
另外, 話說公司空氣差, 要日日戴口罩, 而家我用開果 d 係當年 SARS 買落既, 不過勁唔好用既, 鼻果條鐵線成日斷, 又鬆, 唔舒服仲要攪到成面瘡瘡。係 waston, 萬寧都係賣綠色面果隻, 同屋企果隻一樣, 所以都係冇買到。尋日係卓越, 居然見到有口罩賣, 粉紅色面, $55 有 50 個! 好!!! 買左盒試下。
同場加影, 真人示範! 粉紅色, 面色會紅潤 d !! 另外, 加送鼻樑 2 筒暗瘡 2 粒。可能太耐冇打麻雀, 麻雀鬼追到上面啦~~
兩天病假 我的健康 Next