都成個月冇 update 個 blog
一切其實安好
身體幾好
呢個新年都係一如以往
初一周圍走!! 周圍豆利是又派利是
初二係屋企叫齊屋企人同朋友係屋企開年
仲有打下台灣麻雀添
初三就係屋企休養下準備初四開工
係初五, 老公個 lcd tv 壞左
我見佢楚楚可憐, 比左我個 monitor 佢用
我就冇得用!!!
既然壞左, 如果買返個 19 吋 lcd tv 都要千幾
不如 upgrade 啦, 買個 idtv!!!!
睇下睇下, 呢個 teac 32 吋真係好抵
5千幾內置高清!! 如果買個 olevia 都 4千幾
博一博, 明知係平野又未必係好野
不過始終係大行代理, 日本牌子
雖然係大陸做, 都衰極有個普既
試用 3 日!! 唔錯唔錯!!
發覺電視真係唔可以太近睇
因為買機唔送安裝上牆
我個 tv 放左係窗檯睇, 太近睇, 真係睇到嘔!!!
今日買左個無線 keyboard 加 mouse 用來上網
真係要離 tv 6 呎對眼先舒服 d
睇多幾日, 如果真係冇問題先安上牆
到時我就一定係床睇電視加上網
我會少 d 出廳架啦, 真係睇左高清係返唔到轉頭
原本想廳換個 42吋, 但真係冇咁既距離真係唔好睇咁大
如果唔係真係會暈同嘔!!
如果真係換 37吋, 我諗年尾可能會實現
努力搵錢, 健康 d, 享受生活!!!
後話, 轉天氣啦, 訓覺就鼻塞都幾辛苦
今晚要食粒通鼻塞藥幫下手
因為塞住訓會第 2 日頭暈, 唔舒服!!!
各位有敏感症既朋友們
小心身體, 注意健康, 快快捱過春天!!!
小米要求!! 給小米的!!!