一早起身係屋企返工!! 皮蛋出左去買早餐。
就係呢個都唔知幾多年都冇食既麥記早晨全餐, 好味~~
雖然係屋企返工, 我下午囉左假去睇醫生。
因為來緊係節日, 都會食多左街外野, 拾定 d 藥傍下身。
先去完睇醫生, 醫生仲未返, 去下萬寧買 D 日用品。
今次試下係萬寧買 tempo, 睇下係唔係真係香 d 。
因為之前我係 7-11 單買一包係勁香, 同我平時係藥房買果 d 唔同味。
我懷疑藥房果 d 唔係'太'正既貨。
睇睇包裝同上面 d 字, 真係有 d 出入, 萬寧果 d 真係好似 7-11 果 d 咁, 香 d。
至於價錢既分別: 萬寧為 0.94 一包, 藥房係 0.88, 相差 6 仙, 大家識買啦下次!!
藥房果 d 又未至於假, 除左香味欠缺外, quality 都係差唔多。
有時出入 d 臭既地方, 一張有香味既紙巾係幫我好多架。
左面/上面係藥房貨。
之後就去買餸啦, 因為今晚屋苑有節目。
皮蛋叫左朋友 1 號同 2 號上來 (牛氏同蟻氏)。
未買餸前, 去左買抽氣扇, 廚房抽氣扇已經壞左好耐。
攪到 d 煙味成日出哂來, 忍唔住啦, 我日日鬧皮蛋都唔係辦法。
唯有買部靚野 KDK, 成 2 舊水, 唔好咁快壞呀。
我屋企壞得最多既係抽氣扇, 真係冇解。
唔講唔知, 我係一個換抽氣扇高手!!
除左去拆同駁電線外 (本身電制入了牆), 一拆一裝都好快手。
皮蛋生手, 等我來把啦。半個鐘, 攪掂左。
7:30 屋苑節目開始啦!!! 牛氏同螞氏媽媽加女女加埋我出發啦。
主角當然係小朋友啦, 因為年年屋苑既 function 都有灘位遊戲。
不過大家都唔弱, 一樣咁開心, 仲囉左好多小禮物。
先來個估燈謎。我認真要估既得一個: 估一個地方名 - 靚仔老公。
其他既, 根本唔想用腦諗, 打左比細妹, 佢係公司, 咁上網 search 下就有答案。
其後答多 3 題, 禮物就係冇電加冇聲既吹氣燈籠。
排下隊玩下灘位遊戲, 又囉 d 小禮物。
得閑就睇下兩位小朋友, 推佢地上台唱下歌。
最後, 去到抽獎。普通單位, 有 4 張抽獎 tickets, 大單位有 8 張。
我一人比左一張我 d friend, 等佢地又抽獎, happy 下。
我先中 mouse pad, 之後牛太被抽中 melody 鏡。
最後我仲標埋尾會中埋水樽仔一個。
有黑仔皇之稱既蟻太, 冇佢份, 不過都有好多小禮物。
原來我呢戶都好 lucky 架啦, 3/4 中獎。有戶 8 張都唔中!!!
大家過了一個開心既預祝中秋節節目!!!
