新年快樂 2007
02 一月 2007,我的生活,
大日字過後, 又要收拾心情開工。可惜, 似乎, 事實我既心態仲未放完假。今日都係遊雲等收工~ 用左約大半個鐘記錄返我既麻雀假期。
聖誕節
日期: 12/22
人物: 同事, 皮蛋, ken, ann, 熒, bebe, 兒
地點: 公司, 添馬艦
同事門去食聖誕 lunch, 之後返到公司就抽獎, 真係一年不如一年, d 禮品真係唔掂, 好在有 $200 現金獎。之後, 早收工, 約埋呀熒一家去添馬艦嘉年華, 呀兒都有去~ 勁~ 真係老左, 以前玩都唔驚, 反而而家有 d 驚既感覺。皮蛋中左好多公仔比我~
日期: 12/23
人物: 皮蛋, ken, ann, 熒, 超人, mia, 基, imon, 輝
地點: 屋企
冇返星期六, 因為尋日要幫手抱呀熒, 又玩埋 d 機動遊戲, 真係一起身就發覺 d 手腳唔係自己。之後去左飲茶, 皮蛋同埋佢 d 朋友買野晚黑打邊爐, 女士(我, imon, ann, mia)當然打麻雀啦~ um.. 都唔記得自己輸定贏。
日期: 12/24
人物: 皮蛋, ken, ann, 熒, bebe, 兒, imon, 輝
地點: ann屋企, 屋企
真係冇咩特別呢~ 冇諗過要去邊玩~ 真係冇所謂~ 咁我地去左呀 ken 度燒野食~ 未燒野食前, 13張, 嘩, 唔知既仲以為我出千, 我做莊時連派3鋪4條比自己, 殺左 total 24注, 勁~ 再來一個快燒, 打返12圈 (我, imon, ann, bebe)! 又唔記得自己輸定贏。好似係贏少少~
日期: 12/25
人物: 皮蛋, ken, ann, 熒, imon, 輝, ken 同事 - maggie
地點: 屋企
悶左成個下午, 夜晚又係打邊爐, 呀 ken 叫左佢位同事來打麻雀, 咁就解決左苦悶既夜晚啦, 呀 ann 勁, 大殺四方, 一贏三。我輸左 $250。扣返呀 ann 口數!
日期: 12/26
人物: 呀媽
地點: 元朗
差不多放完假, 皮蛋又要開工。我同呀媽去做全身檢查。行左一陣就返左屋企。可能唔想開工既關係, 越諗越頭痛(又或者係返屋企途人吹親都唔定)。皮蛋又話食埋飯先返來, 咁我食自己! 公仔麵 + 頭痛藥。
新年
生日快樂! 呀媽!
日期: 12/30
人物: 皮蛋, 呀媽, mia, 基, 超人, ken, ann, 熒, imon, 輝
地點: roller 場, 屋企
冇返星期六, 真係唔願返, 下次補返! 下午去左飲茶, 之後, 買左介子比呀媽做生日禮物! 返屋企冇野做, 等夠鐘同呀媽食飯。食完飯, 返屋企打麻雀! 12 圈, 食左好多糊, 不過冇輸贏~
日期: 12/31
人物: 皮蛋, mia, 基, ken, ann, 熒
地點: 屋企
最悶既除夕。居然冇人出來! 咩唔係新年越多人倒數越開心?? 去左租碟睇4個睇 (我, 皮蛋, ann, 熒), 熒睇睇下訓左。睇完搵 mia 玩13張, 冇咁悶~ 叫左外賣肯德基食。之後皮蛋又陪我地玩, 打左12圈, 2007年係我食左第一鋪糊! 比我贏哂~ $200~ lol~
日期: 1/1/2007
人物: 皮蛋, mia, ann, 熒
地點: 慕慕樂園, 屋企
快樂既時間真係過得快, 咁快又去到假期最後一日~ 食完野, 去左千色買左美容用品。之後, 同左呀熒去佢最愛既慕慕樂園。玩左令我而家好攰既波波池, 對手好似唔係自己。但係真係好好玩, 自己好似變左小朋友咁, 呀熒都好開心~ 12分鐘真係過得快! 之後就買埋風筒 (係皮蛋又整壞左個風筒, 已經壞左第2個風筒)。我地各自歸家去。
返到屋企, 皮蛋話煮飯, 咁又叫返呀 ann 過來。之後, 我拾下廁所, 之後插著壞風筒, 睇下有冇得救, 差 d 發生意外, 風筒吸風位突然火花繼而爆炸, 最後跳埋電。再睇睇自己件衫, 心口黑哂, um.. 有時都係壞左就掉, 無謂左攪右攪而出事, 好在我唔係近睇個風筒, 如果唔係.. 我埋面或對眼就出事啦!
再過一陣, mia 打來話佢燒完野食, 原本都冇咩野。點知同皮蛋講, 佢話唔係打麻雀咩, 咁我地4條友仔打左8圈, 11點收場。食左好多糊, 只係贏左 $30, 皮蛋贏 $140。睇埋叱吒, 成2點先訓。
見鬼實錄 我的生活 Next