聖誕節快樂

25 十二月 2008,不可思議,

Continue


08 xmas (一)

25 十二月 2008,我的生活,

平安夜 12/24/08, 公司有 party! 冇 bonus, 有 party 都好過冇! 做野做到 1 點就去左某酒店開餐 今次 d 野食 cheap d, 返而食完冇事 好啦, 抽獎開始, 跟以往不同 以前公司人少, 人人有獎品 而家多左成倍人, 今次只有一半人有份 我都被抽中, 唔知係好彩定唔好彩呢? 中左盒會食肥人既朱古力!! 食左幾粒, 好味~~

Continue


冬大過年

23 十二月 2008,我的生活,

冬大過年, 我地係做冬前一日做節 老爺奶奶一家今年入來做節, 仲要帶埋成90歲既姑媽入來 除此之外, 我爸媽仲有細妹, bb 都一齊來 細佬缺席因要返工!! 不過我地會留返比你既!! 由於星期六, 出去食就幾貴, 唔想呀大伯破費 咁我地用一半既價錢, $1500左右, 自己煮!!! 邊個咁有心機, 當然係我老公啦, 佢已經3日前買野啦 有盤菜, 清湯牛腩, 龍蝦伊麵, 清斑, 蟹, 乳鴒 個個都話 yummie yummie!!! 食飽飽, 來張大合照, 睇下幾齊人!!

Continue


23 十二月 2008,我的魚魚,

老公生日, 牛生送左條黃鸚鵡做生日禮物 初初佢都被排斥, 經一排特別照顧後 其他鸚鵡都接受左佢啦 另外, 仲有 d 新既金魚啦 都唔明點解人養金魚我地養金魚 養 2-3 個月就 bye bye.. 哎

Continue


娛樂

23 十二月 2008,我的生活,

琴, 終於搬了來我家!! 星期天, 急不及待, 彈奏一兩首 oh! 真的通通忘記了 經約半小時的苦練, 掌握到一點 我在網上 download 了好幾首琴譜 最容易的有"幾分鐘約會" 已經會彈前一段了, 但是仍很嚇人 希望我有恆心, 繼續練好這首歌!! 下面那張相是我跟姪女玩新玩具時整的 一粒一粒膠珠排好, 再加一點水 膠珠就會黏在一起, 再放在介子上 做成一隻美麗玩具介子了

Continue


家中新成員

23 十二月 2008,我的生活,

小吉來了陪小雲!! 多謝老公~~ 另外, 自買左部 hifi 仔後, 一直都想駁埋去個 monitor 度 早個星期, 突然炸炸下機, 諗起我有個 tv box 原來可以 convert vga 去 av!! 攪下攪下, 因為 d 線又唔夠長, 電腦要搬屋上窗檯!! 如果落雨唔記得關窗又或入水, 我部腦就可以 bye bye, 真係要小心 d!! 當所有既整理好哂, 我每晚都好 relax 咁係張床聽歌打 nds!! um.. 唔知係米天氣凍左既關係, 我部 nds 好似壞壞地 有少少接觸不良, 成日 hang 機!! 我呢期已經好窮, 屋裡 d 野壞哂, 慘: - 廁所抽氣扇 - 廁所燈燒左 - 飯, 客廳又有 1 燈燒左 - dvd 機壞左冇得整 - nds 開始壞

Continue


倪震宣布與周慧敏申請結婚

18 十二月 2008,不可思議,

Continue


拾屋給我的回憶 - 老公篇

16 十二月 2008,我的皮蛋,

人老了, 沒有情趣, 你是一個大悶人, 我也是 我地兩個最仲意係屋企, 好少周圍去 你愛煮 2 味, 我好欣賞你一番心

Continue


拾屋給我的回憶 - 舊情人

16 十二月 2008,我的過去,

原來曾經有人深愛過我, 而我亦為他付出唔少 佢唔係我初戀, 係我 17 歲拍到成 19 歲幾既第二任男友 細個無聊寫日記, 今日唔知點處理?? 我細個老幾大膽下, 呢位男友係在街識 佢唔係壞人, 剛剛出來做野都未係好定性 拍左一年拖, 忽然長大, 入左懲教處, 有份高入息既工 過多一年仲買埋居屋, 佢做咁多野都係為我!!! 想結婚~~

Continue


拾屋給我的回憶 - 偶像篇

16 十二月 2008,我的過去,

我最愛既朝偉!! 到今時今日都係咁愛!! 仲有想當年.. Tommy Page.. 唔知而家去左邊?

Continue


拾屋給我的回憶 - 中學篇

15 十二月 2008,我的過去,

小學時, 永遠都係讀乙班, 考頭 5 名, 成績算中上 上了中學, 其實派了一幾好既學校, 屬 rank 1, 政府校 中一至中三成績都幾好, 中三果年全級都考 30+ 其實升中四時, 有大好機會選班好班 不過果時開始唔仲意返學同讀書, 選文科仲要係得七科來讀

Continue


拾屋給我的回憶 - 小學篇

15 十二月 2008,我的過去,

好一個肥妹升中了, 想當年畢業証書, 升中派位信 仲有老豆送既文房四寶及我小學時(可能係中學)的一手靚字

Continue


拾屋給我的回憶 - 給我的妹妹

15 十二月 2008,我的過去,

唔知點有張咁既卡, 想當年係唔係我準備買比你?? 另外, 你舊公司印刷的一張卡, 可能你都沒有 keep copy!

Continue


拾屋給我的回憶 - 我的 DIY

15 十二月 2008,我的過去,

想當年, 19 歲, 一個人飛去美國讀書去 雖然係住係姑姐處, 我都要好獨立, 自己顧自己 幾年既生活, 好快過, 想返轉頭, 其實苦中帶甜 每年 Summer 都會返香港, 真係好 relax!! 以前係果邊讀書, 真係除左讀書外 就冇咩娛樂!! 我最大既娛樂係收信同寫信 每日放學返屋企都期望信箱有信

Continue


超灰

15 十二月 2008,我的工作,

暫冇 bonus!! 即係冇啦!! 仲要扣病假錢, 好灰好灰!!!

Continue


今日節目 - 家居清潔

15 十二月 2008,我的生活,

各有各忙 老公, 就因為做冬時, 家人到我家食飯 (佢煮) 所以要將家居清潔一下 另外, 因為就農曆年, 都要大清潔一下 提早準備一下都好既 而我, 就因為今星期五係娘家搬琴來 我要將細房雜物清理一下 另一可以收藏既地方係床下底 一路拾一路有開心回憶 原來開心可以好簡單 來緊幾個 blog 既 entries 都係同過去開心回憶有關 聽日先慢慢寫, 待續...

Continue


無公德心狗主(二)

15 十二月 2008,不可思議,

又發現佢出現!!! 今之影得比較清 真係冇公德心!!!

Continue


又到聖誕, 又到聖誕

10 十二月 2008,我的生活,

又到聖誕, 上星期一, 收工返到屋企, 見到窗台好乾淨 原來老公為聖誕而準備 食飽飽後就開發佈置啦 完成了!!

Continue


食飽飯, 冇野做

08 十二月 2008,我的健康,

發覺自己心情唔好時, 咩都唔想做, 唔上網, 唔寫 blog! 你見我 active 返就即係心情好, hehe 好耐冇試過有咁輕鬆既心情, 希望真係 last 耐 d 啦 今晚呀媽生日, 老豆應該幫手買緊野, 好似加邊爐 12月真係節日多多, 好在老爺奶奶今年入來同埋我家中一齊做冬 咁就唔洗食 2 次啦, 又要呀大伯到時破費啦 老公個表弟係我老公生日果日做左老豆, 即同我老公同一日出世 母女平安, 成 7 磅重。一邊恭喜人家之餘, 我都會想起.. 無緊要, 人要向前的, 只要我連續 2 個月冇再大病痛就努力做人 我現在開始要相信我本身係冇病, 因為性格問題, 我會過份強迫自己 最近, 似乎迫到自己無路可走, 我的行為說話心情根本唔係平日既我 我同自己定下太多 rules 了, 做唔到, 會自疚, 自責 但有時, 做唔到, 根本唔關自己事, 因為一件成功, 根本唔係我一人既力量 既然, 有些事情非自己控制範圍, 我只可將自己既 rules fune tune 一下 這就是唯一令自己放鬆一點!!開心一點!!希望可能健康一點!! 長期活於壓力下: 壓力荷爾蒙皮質醇加速分解體內蛋白質和身體脂肪組織,轉換成葡萄糖,長期提供大量能量以面對壓力 身體需要蛋白質形成高層次生物化學物質(high level biochemical substance),故分解蛋白質和脂肪組織後會有以下影響: - 抑制免疫系統功能(缺乏白血球) - 身體不能自行修理受損細胞 - 大腦只集中面對潛在危險,引致憂慮和抑鬱, 不能思考愉快事情 - 大腦細胞受損,影響記憶力、睡眠及集中力 - 心血管疾病,如中風、冠心病 - 糖尿病 - 緊張性頭痛 其徵狀包括體重增加、特殊的脂肪分布形成的中心性肥胖、背頸部脂肪沉積(水牛肩)、鎖骨上脂肪墊、及月亮臉。有些女性病例,因腎上腺男性荷爾蒙分泌過多而造成多毛症、暗瘡及月經失調等。過多的皮質醇也會造成耗損性狀態,包括皮膚變薄、容易瘀血、消化性潰瘍等,亦會引致高血壓、葡萄糖耐量異常,甚至發展成糖尿病、低血鉀、水腫等症狀。

Continue


睡在水中央

08 十二月 2008,我的生活,

嘩, 我好仲意呢張相~~ 我同呀兒真係好似訓左咁~~ 好 relax~~ 唔識游水既我, 已經一連 3 星期都去左游水, 放棄左 gym。 只要有一件小童黃色救生衣 (呀兒, 你大個 d 先比返你用啦, 暫時比我用住先) 就可以令我仲意用雙手游又得, 雙腳游又得, 甚至訓係度都得~~ 雖然唔及做 gym 出咁多汗, 但勝在真係全身運動。小童黃色救生衣係比浮板好用, 極有安全感, 只要張件衫向前著, 穿雙手出來, 咁成件衫就係心口啦, 唔怕會沉啦~~

Continue


2008-07-26 公司周年晚餐

08 十二月 2008,我的工作,

果晚公司周年飯, 個個都著靚靚, 而我就冇死錯人, 全黑, 緊冇死~~ 不過, 全黑都影到咁鬼肥, 哎~~ 呢幾張都係同事 sent 返比我, 當日公司都有請攝影師影相, 不過仲未見公司 sent 比同事, 唯有 post 住呢 d 先~~ 瑪小姐(短髮 2 人合照) - 曾經係我 d 煙腳, 係公司最 friend 既同事, 都識左 4 年多了。由於公司越攪越大, 而佢係 sales, 唔同 dept, 大家唔再同一個 office 上班, 自此少見了。間唔中都會通下電話既~~

Continue


TEAC mini dvd player / hi fi

07 十二月 2008,我的生活,

我買了它!! 其實一直想買一部 mini hi fi 好耐 想係房睡前聽下歌, 輕鬆一下 不過我遲遲都唔賣, 唔捨得 我實在太唔愛自己啦, 掙扎左 10 mins, 買左!!! 外型比其他影音牌子較 classic, 木色好靚 功能方便, 有我最想要既 usb plug and play!! 唔洗下下燒 cd 先有得聽 由於我仲用緊 n 年前既 lcd monitor, 冇 av input/output 聽日要買貫條 vga 轉 av cable 先可以駁埋個 monitor 睇 dvd

Continue


你開心, 我開心

07 十二月 2008,我的心事,

昨天, 呀媽打來!!! 呀女, 陪我睇電視啦, 我房果一部壞了!! 原本推左佢, 叫佢唔好心急, 等細佬放假先陪你去!! 佢堅決自己睇左先, 哎, 想下想下, 都係唔好啦, 陪佢啦 一陣我呀媽心急過頭, 亂買仲麻煩

Continue


老公生日 2008

05 十二月 2008,我的生活,

開心, 記住佢!!! 老公, 生日快樂!!! 原諒我冇禮物, 但有無限心意 我覺得我唔再病, 唔再發皮四已經係給你最大禮物 冬天生日, 有咩好節目? 當然係燒下野食啦 我朋友哥哥係我屋企附近開左燒烤場 平平地, 成班朋友聚一聚, 開心了一晚 我個實在太懶, 朋友們都愛影相 我坐定定影就可以 到時到候去返佢地既 blog 偷相

Continue


壓力與疾病

04 十二月 2008,我的健康,

我一直都估計我身體問題真的跟抵制力有關 我身體問題包括: 腸胃(便秘肚痾), 敏感, 頭痛, 肥胖, 水腫 我最近半年, 開始很留意自己身體 細心記錄, 小心飲食, 希望提升自己抵制力, 病少點 其實, 如果我抵制力弱, 理應很易傷風感冒, 易受病毒感染 剛剛相反, 我真是沒有那些問題 早 2 個月, 因為嚴重敏感, 跟工作環境有關? 我跟公司說我隔天到辦公室上班, 其實在家工作, 真的有點改善!! 但是, 在家都有點敏感, 究竟出了甚麼問題呢? 真的不知道了!! 既然跟工作環境無關, 要計劃正常上班了 開始計劃正常上班同時, 老闆跟我說日後我要轉工作範疇 會跟以前上司多點合作!! 這是我一直期待!! 機會到了, 我終於可以放開之前的厭惡工作 工作壓力真的少了, 亦可正常上班了 從此在公司發生敏感降至 10% 但, 最近一個月, 我又受頭痛折磨, 初初以為跟月事有關 因為月事前後必頭痛, 但最近一次劇痛是在跟媽媽傾談後 娘家煩事其實自 2008 年年頭開始的 因為爸爸病了, 不能工作, 沒有收入 金錢壓力自然去了子女身上, 沒所謂, 我有能力 可惜, 這一年來, 爸爸病還是很差, 似乎是心病多一點 爸媽又為錢煩!! 錢真是很重要? 我漸漸因為他們不開心, 我也不開心了 我頭痛到可以打針都止不到痛, 向老公發脾氣 那個根本不是我!! 直至係急症屋, 老公跟我說, 不要為家中事太煩 我再想一想, 原來我身邊那個因為我病都好痛苦 究竟, 我為什麼會越活越不開心, 越來越病?? 想通了?? 原來, 爸媽不開心, 我都會不開心的 我心中最重要是家人, 不是錢。錢, 我真的有能力!! 我至多是用少一點錢, 給多一點給家人, 希望他們不要為錢而煩 原來還是改不了他們, 他們仍是消極, 很悲觀!! 我最失敗是, 沒有方法令他們開心!! 我找妹妹, 找朋友傾訴。我真的想多了, 根本我控制不了他們思想 現在我放開了, 我仍會想盡辦法令你們開心 希望終一天你們明白錢並不少一切, 家人的快樂才是重要 我前面仍有一大段路, 我亦要令我另一半開心 我要準備健康身體, 為我下一代 後話, 壓力, 可以令你身體出現很多問題, 一定要放鬆 我應該找到出路, 我要開心, 我要笑!!!

Continue


給爸媽的信

03 十二月 2008,我的心事,

自老豆病了, 退休了, 娘家家人很多時候都活得唔開心 當然為 $$ 啦!! 其實係我可能負擔能力低下, 我已經幫唔少 但係都係改不了老爸老母的消極想法 事實上, 開心又要活, 唔開心又要活 你個女我其實做人幾樂觀, 積極 早排都比你地拖埋落去, 都唔開心左成個月 我想通了, 你地給我既壓力並非要比幾多錢 而是, 比幾多都好, 你地都好消極, 好唔開心, 你地病上加病 我想的是, 你開心, 我就開心!!! 幸好, 你地都開始想通了!!! 我希望你地要知道, 你地已經入了晚年 很多事情真係要放手, 既然沒有能力了 而你地既仔女亦樂意為你地承擔一點點 你地要開心過你地既晚年生活

Continue