08 xmas (一)25 十二月 2008,我的生活, 平安夜 12/24/08, 公司有 party! 冇 bonus, 有 party 都好過冇! 做野做到 1 點就去左某酒店開餐 今次 d 野食 cheap d, 返而食完冇事 好啦, 抽獎開始, 跟以往不同 以前公司人少, 人人有獎品 而家多左成倍人, 今次只有一半人有份 我都被抽中, 唔知係好彩定唔好彩呢? 中左盒會食肥人既朱古力!! 食左幾粒, 好味~~ 除此之外, 每位同事都有支酒 有 d 男同事, 之後有街去, 又唔想囉住 比埋我, 咁我就有 4 支啦~~ 其實朱古力本身都係得一盒, 男同事又唔囉, 又比埋我 哈哈, 真係滿載而歸, 好鬼重!! 返到元朗又要同老公去買聖誕 party 禮物 我地玩交換禮物, 一人要買一份 $50 以內既禮物 真係好難買!!! 杯, 毛布, 公仔, 太悶啦 由於要買 2 份, 真係冇計, 都要買套杯 呢套日本花, 細細隻, 用來飲下酒, 0岩哂 size 另外, 冇意中睇到份有 85折既刷牙套房, 好靚 如果比我自己抽返都唔錯, 希望抽中既朋友喜歡啦 另外, 一個煲!!! 李家的一份聖誕禮物吧!!!冬大過年 我的生活 Next