30 六月 2008,明日之星,
你地睇下佢係邊個~~ 攝於06/01/01! bobo 生日~~ 想當年牛千熒.. 型~~
Continue
28 六月 2008,我的皮蛋,
不知不覺已經搬左去呢間屋已6年多, 其實我都愛呢個家既, 不過如果有元朗附近既村屋出售, 我真係想要 3 樓連天台或地下連花園, 不過皮蛋太愛呢個家, 唔比賣! 又話村屋唔值錢, 又話 d 村屋衛生, 保安唔好, 千萬個原因唔比換屋!! 經過呢幾年既歲月洗禮, 傢俱一件一件咁換, 因為當時入伙冇買新傢俱, 亦冇裝修, 即買即住超平真正 "2" 手樓 (上手業主離婚, 所以平賣/賤賣, 基本上, 上手根本冇咩住過, 好多本身係發展商送既野都仲好新淨)。以前我呢個家成日都家徒四壁, 咩都係"住住先" 既感覺, 現在既家, 實在了很多!!
Continue
28 六月 2008,我的魚魚,
1: 大魚缸
4 大鸚鵡(它們名字: 老鸚, 心鸚, 新鸚, 新小鸚),
6 小鸚鵡(它們名字: 直咀, 鸚咀, 直咀斑點, 鸚咀斑點, 大醜, 小醜)
4 菠蘿
4 金龍
2 非洲皇子
2: 小魚缸
之前養果隻紅運當頭, 好胃食, 一有人過去, 佢個頭係咁 fing, 好得意, 不過我冇同佢影相, 而佢已經係 6/25 離開左囉! 買返 2 條返來, 佢地唔識 fing 頭, 我會教佢地~~
3: 小魚缸
呢缸我通常唔理, 唔睇, 因為佢地冇咩反而, 同埋好快行左去, 死完又買, 買完又死!
Continue
28 六月 2008,不可思議,
今早發現 yahoo blog 有食 post 既情況, 我個 friend 明明日日好乖寫 blog, 今早見佢唔見左 2 個 posts, 再晏 d 發覺得返 6/20 或之前果 d, 仲要出埋怪 error! "Internet Explorer 無法下載。無法指出的錯誤"。咁究竟係 yahoo 食 post 定我個 friend delete 左 d posts 呢? 打左比個 friend, 原來佢部電腦都壞埋, keyword detect 唔到, 入唔到 windows 連 safe mode 都入唔到! 咁究竟係我個 friend 既電腦問題定 yahoo 問題呢? 兩個問題有冇關係呢? 究竟 yahoo 有 error 會唔會令 d user 死機, 又或者 user 就死機係會唔會整死埋佢係 yahoo blog 上面 d posts 呢?
Continue
27 六月 2008,我的健康,
塵從那裡來呢? 空氣清新機也。
Continue
26 六月 2008,我的健康,
一返工就用身痕, 我99.999999%肯定我敏感問題係公司環境做成, 呢張只係其中敏感災區。搽膏搽到冇停手!
Continue
25 六月 2008,我的健康,
我的IgE驗血報告
Continue
24 六月 2008,我的寶寶,
為妳作為一個紀念
Continue
24 六月 2008,我的健康,
今日原本要返工, 我自2008年6月6日開始已經冇返工, 其實6月開始, 冇一日係舒服過, 一來天氣太差, 呢2星期, 東南西北風都吹過哂! 我的感冒好下又起返, 成日咳, 痰多多, 頭暈暈, 夜晚訓得唔好, 好煩! 初初仲以為係有左既反應, 但, 而家冇左, 問題仍然存在, 証明我真係病, 抵抗力差。既然唔舒服, 再休多2日息, 希望同事門體諒, 公司唔好怪我啦!
Continue
21 六月 2008,我的寶寶,
真係不能否認, 我身邊真係有好多鍚我既人, 我真係幸運。自奶奶, 呀嫂尋日知道我流產左, 除電話中安慰一番外, 今日奶奶立即係灣仔, 呀嫂係大陸過來元朗搵我同埋我屋企人飲茶, 見下面。我 d 屋企人一 call 即到, 連平時唔出街既老豆都出埋來。原來我奶奶, 呀嫂入來既目的係, 比封利是我, 叫我買返 d 野食保下。真係多謝佢地既心意, d 錢夠我睇個幾月中醫。我會調理好身體, 生返個健康肥 bb 比大家開心下。
Continue
20 六月 2008,我的寶寶,
我已經向要交代既人交代哂所有野。鬆哂~ 關心我既人, 我明白架啦, 放心。多謝各方親友支持。人生另一階段 PART I 已經完, 人生另一階段 PART II 正式開始。
Continue
20 六月 2008,我的寶寶,
唔知你地細細個有冇聽過呀媽講, 飛鵝飛入屋唔好殺左佢, 佢係我地既仙人, 佢返來睇下我地咋。呢三日都有飛鵝入屋, 平時都係趕走它就算, 甚少打它殺掉。不過, 呢幾次, 我同皮蛋都有得佢。有日, 它成日企左係電視果邊既牆睇住我地兩個睇電視。有日, 我一個人係房聽歌, 它飛左入房, 仲係張床(我身旁)企左係度。又有晚, 佢又係廳陪皮蛋睇電視。我地異口同聲講, 一定係小皮蛋返左來, 我地好傻。
Continue
20 六月 2008,我的寶寶,
就因為我曾經失去, 我更加要努力去爭取! 係短短2星期裡面, 2008年6月6日至今日2008年6月19日, 發生好多事, 曾開心, 曾傷心, 曾失落, 曾流淚, 曾心痛, 我明白呢個只是一個過程, 雖然我沒有宗教信仰, 不過我信某事情要發生可能是給人們一些啟示, 指引, 考驗, 再三反省的機會。
Continue
20 六月 2008,關於懷孕,
由於我既經歷, 我既唔開心將會化成力量! 我會努力搜尋有關我任務的資料, 一一記錄在此, 到下次小生命再來臨時, 我會更小心, 更會照顧自己及小小皮蛋。小皮蛋已走了, 下一個是小小皮蛋~~ 我呢一股力量主要分 2 部份:
1. 我的身體著手, 2008年6月19日今天開始看中醫改善體質。
2. 努力搜尋資料, 整理及發報, 好讓同病相憐的人分享分享。
Continue
20 六月 2008,關於懷孕,
就因為我曾經失去, 我更加要努力去爭取! 係短短2星期裡面, 2008年6月6日至今日2008年6月19日, 發生好多事, 曾開心, 曾傷心, 曾失落, 曾流淚, 曾心痛, 我明白呢個只是一個過程, 雖然我沒有宗教信仰, 不過我信某事情要發生可能是給人們一些啟示, 指引, 考驗, 再三反省的機會。
Continue
18 六月 2008,我的寶寶,
雨, 你有冇想過要停一停呢?
我的而且確唔想出街, 唔想見人, 唔想講野, 但你可唔可以放一放晴, 這可能會令我心情好返一點點呢? 我自星期日早上去了屯門醫院插血後, 再冇出過街, 我真係好攰, 個人個心都好攰, 我知道心有病真係冇藥醫, 但係又可以點樣。
Continue
18 六月 2008,我的寶寶,
好可怕~ 原來係同一空間, 同一時間, 有好幾位原本是準媽媽們, 她們的寶寶突然離她們而去。各位準爸爸媽媽們只有悲傷地接受事實。相對地, 我可能是比較幸運的一個, 它沒有帶來太大的肉體上的痛苦給我。
當我知道有了你到沒有了你只是短短一星期, 沒有為你做任何事情。可能我有擔心過藥物真的會對你有影響, 好大壓力, 不敢多想。就因為你知道我太多擔心, 你不想我以後日子再擔心下去, 你靜靜地走了。真的對不起, 我只可以為你流過幾滴眼淚, 我都不知可以做些什麼。我還要開始學會忘記你。
Continue
16 六月 2008,我的寶寶,
短短一星期, 我的人生路跟最近的天氣一樣, 變幻莫測~~ 我以為我很堅強, 原來不是。沒有了你的日子, 原來很心痛。很遺憾, 沒有機會帶你來這個世界。不知什麼原因, 是我身體差, 是我食錯東西, 還是什麼? 你突然的來臨, 又突然的離去, 是不是帶給我們什麼啟示呢? 你想我們為下一個你準備更多? 或是你認為現在的我沒有好的條件給的一切? 你的自然離去對我的身體不是有太大的痛苦, 只是很疲倦, 應該再睡多幾天就可以復原。但是, 我的心又可以何時痊癒? 幸好, 有他的支持。希望時間可沖淡一切。
Continue
09 六月 2008,我的寶寶,
人生另一階段怏要開始了, 這幾月有很大變化, 2008年4月25日, 生與死之間, 其後, 戒掉了食了10年的煙, 亦幫了幾位朋友成功戒煙, 平常心對工作事, 多吃蔬菜生果, 注意身體, 很多東西改變了, 人的情緒變了要遠離壓力~~ 原來種種一切都是為我準備人生另一階段。
Continue