前言
20 六月 2008,關於懷孕,
就因為我曾經失去, 我更加要努力去爭取! 係短短2星期裡面, 2008年6月6日至今日2008年6月19日, 發生好多事, 曾開心, 曾傷心, 曾失落, 曾流淚, 曾心痛, 我明白呢個只是一個過程, 雖然我沒有宗教信仰, 不過我信某事情要發生可能是給人們一些啟示, 指引, 考驗, 再三反省的機會。
2008年6月6日, 見唔舒服去左睇醫生, 我病之餘, 令我不相信的是, 係我身體最差既時間, 原來有了小皮蛋。我同皮蛋都想有小朋友, 不過我地都好懶下, 居然係我之前休病期間, 一掣即中。我是開心, 但亦非常之擔心, 因為我根本數唔到我由2008年4月25日開始因病發後食左幾多藥, 敏感藥, 氣管藥, 哮喘藥, 胃炎藥, 類固醇, 有些藥係 pregnancy category c, 根本冇數據証明藥物對 bb 係冇影響。當日, 即打電話去當日入院醫生問問, 佢依依俄俄話基本上係冇影響的, 你可以放心, 那麼, 我沒什麼可做, 等約個婦產科再問清楚。
2008年6月7日, 有左, 情緒真係上落好大, 好多時見既朋友都來恭喜我, 打下麻雀仔, 好旺, 贏左少少錢。
2008年6月8日, 因節日到, 父親加端午節, 皮蛋屋企人食飯, 去左行 sogo, 好攰。原來當天, 加埋我有3個有了喜, 我只是6星期, 其他的, 都有4個月, 2個月, 她們不是辛苦, 好開心。
2008年6月9日, 一起身就咳, 都好辛苦下, 又頭痛又頭暈, 有左真係咁辛苦? 或是我身體根本不好? 食左頭痛加止暈藥, 想食埋之前 d 咳藥, 不過上網 check 過, 有 d 成份唔0岩孕婦食, 放棄了。
2008年6月10日, 要上班了, 但真係好辛苦, 請假再訓, 訓醒睇醫生。醫生問有左之後做左產檢未? 有冇見唔舒服? 當時我只係咳, 冇咩其他, 醫生話, 幾好呀, 我仲叫佢寫多封 reference letter 比我去瑪麗生。之後去左食野, 上了 ann 屋企, 去廁所, 見紅, 好似作 e 媽。去左 2 次都係咁! 有點驚! 返屋企時, 個人好攰, 冇力。返到屋企, 沖左個涼, 好似冇見紅。訓左一陣。起身再去廁所, 嘩, 真係 e 媽到, 不再是啡啡地。 ann 陪我去了博愛, 唔洗等, 醫生立即幫我照 ultrasound, 醫生話個胎囊仲係度, 呢胎好似係孖! 吓, 醫生, 唔係化? 我立即去望望個 screen, 護士幫較返 screen 角度比我睇, 醫生再講個胎囊係度, 你作小產。之後同我講, 你返工辛苦嗎, 我說交通方便係遠左 d! 佢就比左 2 日假, 再比張'流產先兆'既 guideline 比我睇, 叫我休息下。呼~ 鬆了一口氣, 皮蛋都係~~ 返到屋企, 只係坐係度睇電視, 去廁所時, 見 d 野越來越紅了, 打電話比有經驗人士問下, 佢安慰我, 佢生 2 個都係有見啡同紅, 不用擔心~ 之後打左比呀媽, 講了作小產事件!
2008年6月11日, 約了婦產科, 是 candy 介紹。一早起身去廁所, e, 不是有太多血, 呼~ 又鬆了一口氣。企係度梳洗下, e, 不妙, 好似有野'跌'左落來。睇睇, 好大既血塊! 包起佢一陣比醫生睇。去到醫生度, 等左1個鐘, 醫生幫我照 ultrasound, 見唔到胎囊, 我話尋日我見過架。之後, 佢幫我睇左我帶去既血塊。原來, 根本唔係血塊, 用水沖完, 仍然好完整, 成舊魚 pop 咁。醫生話, 多數係出左來, 呢一刻, 我都好平靜, 出去同皮蛋講, 冇左啦, 佢又好似好平靜咁。同 candy 食野, 佢安慰我地, 係 bb 本身有問題先會咁, 下次努力。我當時都好堅強, 真係好平靜。返到屋企, 去廁所仍有東西'跌'出來, 用木筷子夾起, 將佢地放埋一齊。好攰, 好攰, 好攰, 好攰, 好多人打來問我如何, 我冇事, 多謝關心, 個個都係叫我養好身體再來過。
2008年6月12日, 上網睇左 d 資料, 驚個胎流唔清會有手尾跟, 因為仲有肚痛。我帶埋流出來既'胎', 皮蛋陪我入左博愛。醫生叫我要入屯門醫師 check 下, 醫生仲講, 屯門有婦科, 果邊醫生會幫我 check 下今次流產原因, 仲會化驗流出來既'胎'。咁我就等十字車去屯門醫院, 皮蛋返屋企埋我囉野。去到冇耐就上左房, 過左冇耐, 男見習醫生來問証, 之後幫做左個簡單婦科檢查, 好痛~~ 皮蛋過左一陣就來到, 我冇食晚餐, 之後食左麵包, 同皮蛋買 d 雜誌睇下, 一陣, 皮蛋走了, 而醫院就1030熄燈, 我本書都睇唔到20頁, 冇解。我去訓, 下, 訓左一陣比人嘈醒又做檢查! 今次又係見習醫生, 不過是一個女~ 又係做簡單婦科檢查 (之前唔係做左咩?) 再加一個 ultrasound, 又係咩都見唔到, 再睇下我帶來既東西, 之後就同我講, 明早插血再驗。
2008年6月13日, 始終係政府醫院, 真係服務一'流', 完成唔會比好覺你訓, 成晚好多聲, 又咳又鼻塞, 訓得唔好。起身後, 食左碗唔好味既粥, 比人插左血, 9點幾, 又有見習醫生巡房。醫生講野好大聲, 冇私穩? 我聽到對面床既女仔, 都係小產左, BB 冇左心跳, 唔長胎。而我問醫生, 我話博愛醫生話屯門呢邊會幫我 check 下今次流產原因, 係唔係? 個醫生答得好型, 今次第幾次流產呀你? 夠 3 次未? 3 次以上我地先會跟進, 好多孕婦都會流產架啦, 個個都 check 米好浪費資源。其實我都同意, 不過醫生既態度真係不可一世, 我覺得政府有點浪費資源在他身上。再過多一陣, 終於有個真係似醫生既醫生出現, 個見習對住主任醫生講一次佢問診 details。我'求'個醫生止一止我 d 感冒先, 之後護士比左粒藥我食, 再去做多次婦科檢查。今次係主任醫生幫我做 ultrasound, 似乎佢係 confirm 之前 3 位見習醫生既診斷。醫生放我走, 叫我過 2 日再返去插血驗懷孕荷爾蒙, 睇下跌得好唔好, 開左 1 week 病假比我休息。返到元朗, 同皮蛋食完野返屋企訓。之後有朋友打來問候, 呢日我心情都仍好平靜。
2008年6月14日, 自閉生活開始, 天又下雨。開始有唔開心, 皮蛋朋友放假, 不過我唔想見人。
2008年6月15日- 2008年6月18日, 星期日去了醫院插完血後, 繼續自閉生活, 天天下雨, 冇出街, 上網睇下關於懷孕及流產資料。原來我真係冇好好照顧自己, 冇仲涼野, 生冷野, 越來越怪自己! 成日係度想, 如果我冇食咩食咩, 結果會唔會咁呢? 一路問自己, 明明好想要 bb, 點解咁唔0岩 timing? 我真係好病, 食左好多藥, 一知有左仲要大感冒, 就算保到 bb, 佢都要一齊陪我食藥, 對佢會有影響架, 想下想下, 冇左又可能係好事, 因為可以比我做多些準備。我見 d forum, 有 d 小產過既人, 係駝到成20幾週先流產, 她們比我更傷心。再睇多 d 網上資料, 失意的不止我一人, 係 yahoo blog 已有 2 個人同我既經歷係一樣, 發生時間基本是差不多。我夜晚訓得唔好, 發夢自己有左, 大左肚, 冇左 bb, 可能我真係想得太多。
2008年6月19日, 天終於放情, 我再冇藉口唔出街, 終於化了我那一股失落心情為一些動力。去了睇中醫, 先調理好身體, 之後真正再努力過。醫師話我身體真係麻煩, 太涼既野, 又會暈, 個人又熱又濕, 總之係弱啦。先清左我 d 感冒先再調理。
2008年6月20日, 去了屯門醫院覆診, 真係好討厭政府服務。成十幾廿人都係 9 點 appointment, 好迫, 空氣又唔好, 攪到我坐下坐下敏感起, 立即食藥搽藥膏。等左個幾鐘, 終於叫我名, 首先係驗孕。冇左 2 條線囉, 之後見習醫生係走廊同我講報告。雖然係比 $60, 都唔洗咁'儀希'! 佢話驗懷孕荷爾蒙跌得幾好, 放心, 不是宮外孕。會唔會想要 bb, 想要, 經期正常 2, 3 個月後再試, 一般女士, 5 胎都會有 1 胎會小產, 叫我唔洗驚, 之後, 問我要唔要今日假紙, 講完。下, 有冇咁快? 到我問問題。之前我帶來的東西, 有沒有化驗? 醫生話, 等等。轉頭先返來, 話係 bb 組織, 放心。我話, 仲有少少痛, 佢又話, 最少 2 - 3 星期先會好哂, 咁我叫醫生比多幾日假我休息, 開星期 5, 6, 日, 有咩用? 之後, 諗真 d, 星期一都係起唔到身返工, book 埋保險婦科檢查, 確保一切正常, 可能日後再來過~~
就因為我會日後, 現在就要開始準備了, 一切我睇過有關我呢個任務資料, 我都會一一記錄好, 以便日後參考。
天氣, 心情 我的寶寶 Next