拾屋給我的回憶 - 中學篇
15 十二月 2008,我的過去,
小學時, 永遠都係讀乙班, 考頭 5 名, 成績算中上
上了中學, 其實派了一幾好既學校, 屬 rank 1, 政府校
中一至中三成績都幾好, 中三果年全級都考 30+
其實升中四時, 有大好機會選班好班
不過果時開始唔仲意返學同讀書, 選文科仲要係得七科來讀
中四果年, 都算乖, 成績仲係幾好
學期尾開始學人拍拖囉, 心散左好多
到升中五, 成日唔返學成日去左玩同拍拖
中五會考, 我都有溫書, 不過就真係得返中四學過既野來應考
得 5 科合格, 數係 F!! 經濟係 U!!
之後想 repeat 再考, 一開學冇幾耐就盲腸炎入院
由於果年又轉 syllabus, 冇返成個月已經追唔上
咁就出來搵野做, 初初做左半年 sales
之後去左教幼稚園, 教左成年, 吸收下人生經驗
後來覺得, 其他幼師學歷都比我低, 我又唔甘心搵咁少
當年又咁0岩姑姐返來香港探親, 叫我跟佢返去美國留學
前後唔夠一個月, 我放棄哂香港所有野, 隻身飛去美國
我份人真係不理後果, 決定左就一定做
我根本冇諗過追唔追得上, 只因為我唔甘心搵咁少錢
同家人相處又唔開心, 同男朋友又分了手, 一走了之
當年, 我姑姐先回美國, 我當日係我一生人第一次拾飛機, 仲要係一個人!!
我仲記得我好堅強, 半滴眼淚都冇流過
就可能我想當年既任性, 就換成今日算有點成就既我
談不上是成功, 總算係比當年份工搵多好多錢
不過原來搵得多係洗得多, 人就複雜了
拾屋給我的回憶 - 小學篇 我的過去 Next