31 七月 2008,不可思議,
我掌紋真的反應我性格
頭腦線之起點離開生命線，而感情線、生命線、頭腦線三線獨立成（川）字者，名（川字掌）。
（川字掌）的人，自信心強、輕率、武斷、主觀強不容昜接納別人意見，對人對事非常認真，但嫉妒心極為強烈，特別是職業女性，於事業上可有成就，但對戀愛和婚姻則極為不好，麻煩多多。俗語說：（女人川字掌，幾次作新娘）。但其實並不是傳說中的可怕，只因川字掌的女性，只知重視自己，忽略尊重他人，所以戀愛和婚姻都容易有麻煩，假如能於性格上改變一些，就可補救。
Continue
30 七月 2008,我的工作,
果然不出我所料, 一返工一定有說話聽!!! 你地喜歡啦, 我身體重要過一切!!! 我返工都唔好受, 淨係對手既過敏, 已令我痛不慾生!!! 一路做, 一路搽平安膏。我唔返工, 都盡唔想影響任何人, 如何我唔返工, 導致所以 project 停左咩? 如果係, 一定係整個流程有問題啦, 入我數?? 未免太過!!! 如果有同事睇到我呢個 post, 扮睇唔到啦, 我都係發洩下, 我會努力返每一日工, 病都會病係你地面對, 有咩事米 call 999 囉, 玩大 d 囉~~ 最好最終可以証明我唔再適合係呢間公司既環境工作。我用身體不適為理由永久不能在此工作, 比埋 d 長期服務金叫我走仲好!!!!
好!!! 發洩完畢, 比說話我聽既人如果係有權有力, 唔該係老細面對告我一狀, 老細未出聲時, 唔該其他閒人做好自己野, 或者做返一個上司應做既野, 再係咁下去, 你擺明同我過唔去, 你都唔會好過。
Continue
30 七月 2008,我的健康,
又病假 2 天, 聽日返到公司又比人白眼!! 其實我都唔想, 星期六, 公司周年飯。食西餐! 有蝦我已經唔食, 會腸抽筋!! 龍蝦湯就照飲, 因為未有記錄我會對龍蝦有過敏!! 之後食埋個雞同甜品, 仆 x 啦~~ 個肚好很痛, 痛到幾乎行唔到, 頂, 連獎都冇得抽仲要係金鐘打的返屋企!!! 多謝小姐 $330!!! 返到屋企只係痛冇得痾。訓到 4 點痛醒, 肚痾!#@&)!$
Continue
30 七月 2008,我的皮蛋,
好煩~~ 唔該除 con 入房訓~~ 下次仲係咁, 我真係會攪你 d 星矢~~ 我唔係講笑架~~
Continue
26 七月 2008,我的生活,
一日寫返一星期既事都幾吃力! 但只記重點及開心事, 又不是太難~~
無題 1: 型的士一部 - 今日收工搭車望到架特別的士, 車牌 TAX1。車主真型, 全香港真係唯一一架真係有的士牌既的士。唔知車主用幾錢投左個牌呢, 都唔會平!
Continue
26 七月 2008,我的健康,
今日星期好叻, 返足 5 日工, 不過真係好辛苦, 體力透支。上班下班交通時間再加埋有時 9 唔搭 8 塞車, 每日 3 小時交通再加 9 小時工作, 真係令現在既我好吃力, 我每日 7 am 起身, 730 am 出門口開始轉車搭車返工。唔塞車, 845 am 返到公司, 塞車另計。以前 lunch 會帶飯, 而家出去食, 因為成日困係公司會死, 寧願同 d 同事去吹下水, 發洩下。lunch 後通常去叮中藥飲, 再做到 6pm 準時收工。行去搭車, 615 pm 開車, 返到元朗 710 pm, 行埋返屋企, 720 pm, 日日 12 個鐘, 真係好辛苦~~
Continue
26 七月 2008,我的魚魚,
今年天氣令人易生病, 魚魚都不例外~~ 早排成日下雨, 水的 ph 有變, 新魚唔夠一星期就 bye bye。呢排天氣勁熱, 原來都會令魚魚病, 今次係老魚, 鸚鵡們!! 先由凶手在四條大鸚鵡身上係咁吸吸吸, 起初不以為意, 吸左兩日, 鸚鵡身上有傷痕。最勁係心鸚, 上星期五 peter 見到佢反反地肚, 立即處理處理, 求魚行動開始。其實 3 條都只不過是爛尾而已。
Continue
15 七月 2008,我的健康,
上次行動(清空氣清新機既塵)係 080627, 約 2 星期前, 某程度上, 舊塵好似細舊左~~ 平時一星期已有咁大舊。我, 都好似好了少少, 星期一同今日都係有好小既災區, 好快散, 有進步, 有進步。
Continue
15 七月 2008,我的工作,
我盡量都唔會帶埋公司既野返屋企, 係 blog 都唔想記低關於公司事, 因為通常都係壓力同唔開心。不過今次唔係。老細~~ 真係多謝你體諒同關心呢~~ 做左呢份工快 9 年, 呢份係畢業後叫做第一份工 (真正既第一份工只係做左 5 個月)!! 開始係呢間公司做時好開心, 因為仲係好細規模, 架構好簡單, 老細又親民~~ 呢幾年, 公司發展得好快, 架構複雜了, 人事又複雜了, 冇以前咁開心了~~ 但始終對呢份工又愛又恨, 冇辦法啦, 都係平常心返工放工唔諗咁多野啦。
Continue
15 七月 2008,我的生活,
今早起身, 居然天晴, 影低佢先!! 太陽伯伯, 真係好耐冇見過你, 冇左你既日子我病得很!!! 今日有了你, 特別精神, 搭車返工沒有在車訓, 享受下比太陽伯伯照住既感覺。放工之後, 又去睇中醫啦。今次 d 藥好肉酸架, 仲要好難飲, 又臭!! 明天係公司叮返來飲時, 一定臭暈 d 同事!! 晚上又下雨了, 食完老公整既勝利牛丸 + 魚麵後, 我又突然肚痾肚痛!! 點解唔可以有一日舒舒服服呢? 唔通我係對 d 魚麵敏感? 要下次再食先知係唔係啦~~
Continue
15 七月 2008,我的皮蛋,
每晚陪佢訓覺不止我一個, 所有的都是他的第一生命!! 每一盒高達模型, 他都花了至少 10 分鐘用包書膠包好。另外, 往往花成晚時間先可以幫星矢們擺好 pose!! 有一個星矢不小心跌倒, 他就心痛!!
我每次開關櫃門都要特別小心~~ 萬一~~ 就有排佢0我啦~~
就因為呢 d 係佢最愛, 每次同佢有 d 爭拗時, 我都會威脅佢, 對佢講: 你信唔信我整"林"你 d 星矢? 佢通常都怕左我, 我唔會再同我拗~~ 我呢蕉係好高~~
Continue
14 七月 2008,我的生活,
我地真係有去做 gym !!! 除我同細妹外, 仲要多兩個朋友一齊玩~~ 齊攪笑~~
爆笑位:
我地入 gym 房冇耐, 有 2 位"型"男又入左來, 我地迫住玩得含蓄點!! (當佢地走左, 我地就好開放啦)。
bibi 係咁影我同 ann, ann 話要拆 SD 卡 (因為冇菲林拆)。
有班好煩既細路趕極都唔走。我地鎖門, 佢地勁拍門都扮聽唔到。
我同 bibi 跳健康舞!!! 佢係教練, 我係學生。
最後來張大合照。係擺哂 pose。
Continue
12 七月 2008,我的魚魚,
因為今日皮蛋又買紅運當頭, 順便幫下魚魚影下沙龍!! 又買紅運當頭?? 已經唔比你買架啦, 買極都死!! 已經死左 4 條啦。第 1 條養左 2 個月, 之後果 3 條, 5 日唔夠就死左啦~~ 日日有魚死唔吉利0架0麻! 我一返到來, 皮蛋就講, 真係最後一次, 如果唔得唔再買。我都未明佢講咩, 一睇, 原來又買多 2 條!! 好啦, 見呢 2 條都幾生猛, 有得你啦!! 不過聽日要買 d 野返來穩定 d 水, 因聽聞呢期雨水多, 水塘落多左唔知咩, 會影響 d 水, 對 d 魚唔係咁好~~ 佢地都好得意架。
Continue
10 七月 2008,我的生活,
床上用品是我最愛, 一生人最愛的兩處地方是廁所同睡房。繼上次買完床單後, 尋日(係, 當日病假, 睇完醫生, 食埋野, 買返屋企) 行過街市, 見到 d 睡衣, 仲要見到我最愛既心心花。我入左去睇, 而皮蛋去買野煲湯。睇下睇下, 上次我用成 $100 係吉之島買既睡衣, 而家居然同花同款係 $100/3件!!! 立即買返 3 件啦~~ 呢款睡衣係比 2 人世界既夫婦。另外, 都有背心或短袖, 0岩哂有一家大細既屋企。
Continue
10 七月 2008,我的健康,
因為老毛病, 病了假了兩天。其實今日可以返到工, 但係起身見到落好大雨, 肯定一落街有傘都一定濕到上 pat pat。經過我星期二既經歷, 今早打電話比 PM (我應承左佢個 project 會係呢個 week complete), 話佢知, 我今日係會請病假, 不過我會 remote 返公司做野! 今日就係係呢個地方由 11am - 1pm, 3pm - 6pm, 做左 5 個鐘啦。
Continue
09 七月 2008,不可思議,
今日 browse blog 友 d 日誌, 發現一張用自己相, 睇下自己似邊個 super starsss。當年有去過個 site 玩過下, 不過都係用朋友個女既相, 自己果張就冇玩。今晚無聊玩, 仲要玩埋皮蛋~~ hahaha.. 開心死皮蛋, 成 q 日話自己係劉華, 呢個網都話佢有 74% 似, 真係 la la la。個 site 係:http://www.myheritage.com
Continue
07 七月 2008,我的健康,
今日天氣可能凍左 d, 同事將冷氣較到 25 度, 我就敏感起, 好痕。其實公司已經將部又壞又舊既冷氣換左, 真係我點幫助, 皮膚少了敏感。 不過, 到 meeting room 地方等, 一樣再來敏感, 真係好堅下~~
Continue
06 七月 2008,我的生活,
今日冇節目! 一起身見到個天就唔開胃, 又濕又落雨, 用身痕痕地, 唔好攪女一,姐姐仔, 食返粒抗敏藥先同皮蛋去食晏~~
話說皮蛋成日都要去開果當報紙當買報紙, 今日如是~~ 天又下著雨, 皮蛋見到報紙婆, 佢居然連人帶傘 9 秘 9 向報紙婆方向行左去, 而我就傻下傻下比雨攚住, 跟住佢尾~~ 哼~~ 報紙婆原來重要過老婆, 嬲!!
Continue
06 七月 2008,我的生活,
今日係洗錢日~~ 2:30 同皮蛋出發, 去左元朗廣場 - 生活知味食下午茶, 之後, 係元朗廣場行個圈, 中左入萬寧睇下野, 發現 bio-essence 去死皮 gel 同洗面都勁平, 唔買住, 去左睇中醫先! 再去東提街萬寧再睇下, 都係冇買野, 再去教育路萬寧, 都係冇買野, 去千色睇 usb bluetooth, 好大舊, 又貴, 冇買! 再去萬寧, 终於出手啦~~~ 再去埋小巴站果邊電腦鋪買 bluetooth!! 今日係元朗行左個大圈, 成 5 點, 歸家去了~~ 係樓下百佳入下貨, 返到屋企成個散哂~~ 咁熱既天氣真係不宜係室外太耐~~~
Continue
06 七月 2008,我的生活,
平時唔願郁, 放假只會打麻雀的我, 今日居然落左樓下做 gym! 其實自我病完之後, 都冇點打過麻雀! 一來, 二來唔齊腳。
成 6 點鐘, 我細妹過左來同我一齊做 gym, 叫我一個去, 一定死都唔願去~~ 皮蛋平時又唔陪人去 (不過可能係我藉口)。我做左 8 mins 單車, burn 左 41 calories, 10 mins 腳踏, burn 左 20 calories, 20 mins 散(跑)步機, burn 左 100 calories!! totally 38 mins 運動, 只係 burn 左 160 calories!! 平時飲 d 汽水呀, 食 d 糖呀, 只需幾秒至幾分鐘就落左肚, 如果要消耗哂佢地, 真係要做餐死~~ 唔知下次做 gym 係幾時 不過我好肯定, 今晚一定好好訓, 因為真係會架~~
Continue
03 七月 2008,我的生活,
電器
1. 無線 keyboard 及 mouse
2. 藍牙接收器
3. 2x 吋 lcd monitor (房掛牆)
4. 3x 吋 高清電視機
5. 小音響組合 (房用)
6. 直立風扇
傢俱
1. 換sofa
2. 換餐桌
個人
1. 小皮蛋
2. 我及身邊所有人都健康身體
Continue
02 七月 2008,我的生活,
七月份剛開始了兩天, 都發生了好幾件事。
七月第一天:
天氣終於轉晴了, 跟幾位攝影師 (細妹細佬) 及兩位 model (呀熒呀兒) 以及一眾工作人員 (ann, bibi, 呀 b) 在黃昏時間去了元朗公園影相。
Continue