為魚魚影沙龍
12 七月 2008,我的魚魚,
因為今日皮蛋又買紅運當頭, 順便幫下魚魚影下沙龍!! 又買紅運當頭?? 已經唔比你買架啦, 買極都死!! 已經死左 4 條啦。第 1 條養左 2 個月, 之後果 3 條, 5 日唔夠就死左啦~~ 日日有魚死唔吉利0架0麻! 我一返到來, 皮蛋就講, 真係最後一次, 如果唔得唔再買。我都未明佢講咩, 一睇, 原來又買多 2 條!! 好啦, 見呢 2 條都幾生猛, 有得你啦!! 不過聽日要買 d 野返來穩定 d 水, 因聽聞呢期雨水多, 水塘落多左唔知咩, 會影響 d 水, 對 d 魚唔係咁好~~ 佢地都好得意架。
其次, 幫每一條魚影張大頭先, 有幾條都好怕羞, 唔比我影, 等左幾耐先影到哂佢地。
老鸚
心鸚
新鸚
新小鸚
菠蘿
非洲皇子
小鸚鵡們
老鸚和新小鸚合照
最後, 金龍!! 原本有 5 條!! 話說, ken + ann 話呢幾條金龍係佢地既魚缸成日咬魚, 攪到 d 魚仔成日死。咁佢地就囉過來我地個大魚缸同埋我地 d 大魚共處。呢 5 條一路都係浮面, 冇一條敢向下游!! 過左來冇幾耐, 有一條已經遇害, 連屍骸都冇埋!! 期後, 另外果 4 條都可以養到一段時間!! 條條都成長左好多!! 直至上星期, 發覺連續 3 日都有一條金龍遇害, 又係冇屍骸!! 得返條最細既係度!! 我地都唔知係邊條大魚食左, 一條食左定幾條一齊食左條果幾條金龍, 真係一個迷!! 另外, 大家仲講笑, 點解大條果 d 全部被食, 食淨最細果條。原因係, 大魚們想小金龍養大條 d 先食, 而家實在太細條。小金龍, 呢幾天仲健在, 唔知幾時會遇害呢?
