兔B差不多5個月啦

14 十二月 2010,兔兔寶寶,

大鑊, 兔B差不多5個月啦, 成2個月冇UPDATE過BLOG!

要由係14週飲糖水開始講起啦~
一早起身, 空肚去贊育抽血飲糖水, 比我想像中好飲~
時間過得好快, 坐係度打機, 眨下眼就過左2個鐘, 再抽多次血, 走得~
等埋豪豬出來同埋老爺奶奶飲茶, 返入元朗照BB
BB大左好多呀~ 來個蛙腳式游水, 中間有D野既, 原來BB係兔仔~
我其實仔女都冇所謂, 最緊要健康~
豪豬就... 佢想要女, 一來佢由細到大都係男仔世界生活, 二來佢驚男仔日後會攪佢D至愛囉~

飲完糖水, 無想過會FAIL, 可能之前D CHECKUP 都好順利
過幾日, 收到醫院電話, 話我FAILED, 要提早覆診, 哎呀~
要見醫生, 營養師, 糖尿姑娘~ 希望對BB唔會太大影響

15週啦見完醫生, 原來血糖超得唔係太嚴重, 跟住聽BB心跳
醫生搵左好耐, 唔知BB去左邊度玩, 最後都搵到, 嚇死我咩~~
之後見營養師學食野~ 下午見糖尿姑娘學吉手指CHECK 血糖, 一切順利
睇完D食物分類, 原來至愛既紅蘿蔔青蘿蔔栗米, 蕃茄薯仔紅蘿蔔栗米湯係超高糖, 唔好飲~
只要每餐食少少, 食多3餐, 加埋食完要散步, D血糖會控制到
我同BB都會努力~~

進入16週, 手痛問題開始延至右手啦, 一對手訓覺時又痺又痛, 慘~
呀嫂話係胎氣~ 係我仲未FEEL到BB踢我時, 有手痛, 代表BB健康成長, 痛都抵啦~
睇網上D FORUM, 手痛有機會係鈣唔夠, VIT D 唔夠, 我唯有乖乖日日食VIT

17週開始, 肚臍有時會扯住痛痛地, 唔知係唔係BB踢, 我唔識分呀~
去睇醫生, 醫生話子宮已經升到去肚臍位, 所以有呢D感覺
我地個B, 身長已12CM, 總長有成20CM, 冇過肥, SIZE正常
醫生仲幫手照下主要器官, 冇大問題~ 再CONFIRM多次, BB係兔仔!!
另外, 開始發覺如果返工食完飯, 行唔夠, 血糖會過7, NO GOOD~
要改一改飲食, 改食麥麵, 烏東等, 盡快食完, 落去圍住足球場行3大圈
幸好, 呢個方法 GOOD, 可以比我控制返D血糖啦~ 唯有努力行多D~

17-18週, 個肚多左怪感覺, 會突然硬一硬, 摸落去好似有野突出來, 過一陣又冇左
仲有多左D古古聲既感覺, 唔知呢D係唔係叫胎動呢?

進入19週,又到覆診既時候, 被安排去瑪麗檢查, 因為我係高危人仕~
雖然去瑪麗係遠左, 辛苦左, 但係等見醫生既時間短左, 只要早少少到, 就排第一
今次聽BB心跳, 搵一陣就搵到啦, 乖乖~
PRINT左份血糖記錄比醫生睇, 雖然係共有2, 3餐後係超左
幸好我又搵到控制方法, 醫生叫我KEEP住~

聽日20週啦, 過左一半孕期啦~~ GOOD
後日就係照結構既大日子啦, 一切會繼續順利
完成埋呢個MILESTONE, 可以係2011年為你準備一下啦~
出年真係有大把野攪呀~ 大家一齊努力呀~

後記: 自知道自己有妊娠糖尿後, 努力控制同散步, 係呢2個半月以來, KEEP住140-142磅
比起未有兔B前重左8磅(係頭2個月食D味重既野, 少行路而增肥)
2個半月以來, 我既體重不變, 個肚就不斷大, 即係肥BB, 瘦左我?
奶奶對我好好, 見我唔可以食太多野, 又買禾蟲乾比我燉湯去降血糖(當然係豪豬主理啦)
奶奶又燉燕窩, 海心, 鮑魚比我食, BB真係夠哂營養, 希望BB出到來健健康康

老公係12/5生日, 今年既禮物係肚中BB一個, 日後我地一定開開心心, 幸幸福福~
話說老公最怕人點佢條頸(怕吱), 而我就最仲意攪佢。
有日, 我一點我老公條頸, 右邊肚扯一扯, 再點, 又扯, 如是者扯左4下~
唔知係唔係BB唔比我攪爸爸呢? HAHA, 你出到來, 我會TRAIN UP你一齊玩架啦~


今天12周6, 3個月啦~ 兔兔寶寶 Next