今天12周6, 3個月啦~
26 十月 2010,兔兔寶寶,
我都係用返醫生比我個預產期來計周數~~
雖然醫院始終都係用我 LAST M 來計~~
ANYWAY, 2種計法都已經夠3個月啦~~
我呢個媽媽真係懶, 上次寫BLOG係10周, 已經係2 WEEKS前啦
上次去醫院做OSCAR, 又見到BB啦, 大個左好多
叫左老公偷拍架啦, 佢又坐定定一齊睇
初初有D緊張, 姑娘一放個SENSOR去我個肚就見到BB啦
有頭有對手腳~~ 初初BB訓左, 唔係好郁, 姑娘拍一拍, 醒左~~
隻手係咁SO上個頭度, 似十足我平時有人攪住我訓咁: 唔好攪啦~~
一路照一路郁手郁腳, 好活潑, 好開心, PETER 都好開心~~
姑娘話頸皮正常, 抽埋血2個WEEKS冇電話到即係GOOD NEWS
之後姑娘仲好好人周圍照下比我地睇, 呢度係心臟, 跳下跳下, 呢度係腳仔~~
BB個鼻好高, 一定係似PETER啦~~ 睇BB個外型, 好瘦長, 唔通係PETER仔?
我地被BB既動作令我地忘記一切, 我地居然離開醫院行到幾乎車站返時先記得冇囉到診紙
大那那成$800呀, 唯有行過上去囉啦, 好在姑娘好人, 又有禮貌, 好快就印好比我, 走得~
走既時間, 我地試行另一條路為避開叫入媽咪會D人~~
但係越行越唔對路, 要上山既, 仲唔知要行幾耐先有路落返去皇后大道西
我見D人都唔係行上山既, 個個入哂果坐BUILDING度, 似乎有SHORTCUT!
望一望, 立即試一試, 果然一搭LIFT到底就係皇后大道西啦, 行少左好多路呀~~
照BB當日, 發現D胃口好似正常返哂, 冇再咁討厭D飯啦~~ 又係一食完野就餓啦~~
夜尿要一晚1-2次, 好在一痾完又可以立即訓返~~
個肚/子宮少左拉扯感覺, 整個人舒服返好多~~
唯一衰衰係頸痛, 希望轉天氣快D完, 條頸唔再痛~~
仲有就係好易腳腫, 豪豬要晚晚幫我按腳先掂~~
仲有半年, 好快過0者, 出年仲有大把野要準備呢~~
下午又要覆診啦, 可以聽到BB心跳啦~~
今天10 週, BB + 我 + 皮蛋一齊努力~~ 兔兔寶寶 Next