生女之談|我的寶寶|2mweb.net

生女之談

06 三月 2009,我的寶寶,

以我現時身體, 究竟要 bb 會唔會日後攪 4 自己? 中醫師就話, 有敏感既就一定遺傳比下一代既但係中醫師話只要我心態 ready 其實又可以隨時要我又唔想做高齡產婦, 但而家又重$負擔, 又大壓力究竟我要顧得邊樣呢?

傷心?? 過了去, 唯有積極向前!!

18 一月 2009,我的寶寶,

買 bb 衫給誰? 2 個表姪吧老公表弟, 表姐分別做了爸爸, 媽媽星期日, 老公表弟兒子滿月, 親友們食飯其實我有想過不去, 一向堅強的我, 撐下去

真係不能否認, 我身邊真係有好多鍚我既人, 我真係幸運。自奶奶, 呀嫂尋日知道我流產左, 除電話中安慰一番外, 今日奶奶立即係灣仔, 呀嫂係大陸過來元朗搵我同埋我屋企人飲茶, 見下面。我 d 屋企人一 call 即到, 連平時唔出街既老豆都出埋來。原來我奶奶, 呀嫂入來既目的係, 比封利是我, 叫我買返 d 野食保下。真係多謝佢地既心意, d 錢夠我睇個幾月中醫。我會調理好身體, 生返個健康肥 bb 比大家開心下。

Continue

人生另一階段 PART I - 完

20 六月 2008,我的寶寶,

我已經向要交代既人交代哂所有野。鬆哂~ 關心我既人, 我明白架啦, 放心。多謝各方親友支持。人生另一階段 PART I 已經完, 人生另一階段 PART II 正式開始。

Continue

飛鵝的故事

20 六月 2008,我的寶寶,

唔知你地細細個有冇聽過呀媽講, 飛鵝飛入屋唔好殺左佢, 佢係我地既仙人, 佢返來睇下我地咋。呢三日都有飛鵝入屋, 平時都係趕走它就算, 甚少打它殺掉。不過, 呢幾次, 我同皮蛋都有得佢。有日, 它成日企左係電視果邊既牆睇住我地兩個睇電視。有日, 我一個人係房聽歌, 它飛左入房, 仲係張床(我身旁)企左係度。又有晚, 佢又係廳陪皮蛋睇電視。我地異口同聲講, 一定係小皮蛋返左來, 我地好傻。

Continue

終於放晴了

20 六月 2008,我的寶寶,

就因為我曾經失去, 我更加要努力去爭取! 係短短2星期裡面, 2008年6月6日至今日2008年6月19日, 發生好多事, 曾開心, 曾傷心, 曾失落, 曾流淚, 曾心痛, 我明白呢個只是一個過程, 雖然我沒有宗教信仰, 不過我信某事情要發生可能是給人們一些啟示, 指引, 考驗, 再三反省的機會。

Continue

天氣, 心情

18 六月 2008,我的寶寶,

雨, 你有冇想過要停一停呢? 我的而且確唔想出街, 唔想見人, 唔想講野, 但你可唔可以放一放晴, 這可能會令我心情好返一點點呢? 我自星期日早上去了屯門醫院插血後, 再冇出過街, 我真係好攰, 個人個心都好攰, 我知道心有病真係冇藥醫, 但係又可以點樣。

Continue

同病相憐

18 六月 2008,我的寶寶,

好可怕~ 原來係同一空間, 同一時間, 有好幾位原本是準媽媽們, 她們的寶寶突然離她們而去。各位準爸爸媽媽們只有悲傷地接受事實。相對地, 我可能是比較幸運的一個, 它沒有帶來太大的肉體上的痛苦給我。當我知道有了你到沒有了你只是短短一星期, 沒有為你做任何事情。可能我有擔心過藥物真的會對你有影響, 好大壓力, 不敢多想。就因為你知道我太多擔心, 你不想我以後日子再擔心下去, 你靜靜地走了。真的對不起, 我只可以為你流過幾滴眼淚, 我都不知可以做些什麼。我還要開始學會忘記你。

Continue

永遠想念你

16 六月 2008,我的寶寶,

短短一星期, 我的人生路跟最近的天氣一樣, 變幻莫測~~ 我以為我很堅強, 原來不是。沒有了你的日子, 原來很心痛。很遺憾, 沒有機會帶你來這個世界。不知什麼原因, 是我身體差, 是我食錯東西, 還是什麼? 你突然的來臨, 又突然的離去, 是不是帶給我們什麼啟示呢? 你想我們為下一個你準備更多? 或是你認為現在的我沒有好的條件給的一切? 你的自然離去對我的身體不是有太大的痛苦, 只是很疲倦, 應該再睡多幾天就可以復原。但是, 我的心又可以何時痊癒? 幸好, 有他的支持。希望時間可沖淡一切。

Continue