天氣, 心情
18 六月 2008,我的寶寶,
雨, 你有冇想過要停一停呢?
我的而且確唔想出街, 唔想見人, 唔想講野, 但你可唔可以放一放晴, 這可能會令我心情好返一點點呢? 我自星期日早上去了屯門醫院插血後, 再冇出過街, 我真係好攰, 個人個心都好攰, 我知道心有病真係冇藥醫, 但係又可以點樣。
原來自嫁左之後, 我真係好開心, 沒煩惱, 冇野諗, 我字典裡面冇左傷, 悲, 唔開心等字眼。直到呢幾星期, 做咩都唔起勁, 呢幾日係我既休養期, 我好冇胃口, 好唔想食野, 連大小2便都唔願多去, 心好煩, 心好亂, 打機打機打機, 打到時間過, 又一日又一日!
星期五返醫院睇報告, confirm 係唔係宮外孕 (我覺得一定唔會, 因為我親眼睇過親手點過它), 由於醫生從未見過照到胎囊既 ultrasound frame, 佢接手時又咩都照唔到, 絕對不能排除宮外孕的可能性。如果 day 1 我遇到呢 d 有醫得既醫生, 就算我最後都係保唔到 bb, 但我好肯定呢位醫生一定幫我留 ultrasound frame 做 reference, 可能給我做一個紀念。安息吧!
雨, 你停下啦, 好唔好?
同病相憐 我的寶寶 Next