小病是福
16 十一月 2009,我的生活,
經過幾個月既中醫調理, 自我減壓, 真係有 d 起色!!
又未至於 0 病痛, 至少最折磨我既敏感, 便秘同經痛
已經大大改善!!
敏感 - 係天氣凍同乾燥先會起
食完 2 粒抗敏藥就好返
今日又冰冰凍, 又起左少少, 可以接受!!
今年前後差微起過 2 次~~
便秘 - 自 6 月中開始已經冇左呢個問題
因為我已經 tune 左早上去
早上一杯水, 一個橙, 就會有便意
十分鐘完事, 之後擦牙, 洗面, 換衫返工!!
尋日可能 2 媽到和飲得太多滑腸既飲品: 奶同蜜糖水!!
攪到痾水, 當清下腸胃, 而家都冇咩野囉~~
經痛 - 經過過去 3 個月來完都睇中醫後
來得順左, 再加埋食維他 B 雜
最近 2 個月, 連谷經都冇左啦~~
話到就到, 來時都係一般少肚痛同腰酸
飲杯甜熱飲, 休息下就會好快冇事~~
老豆既唔開心, 佢都得到解脫
憑佢一句: 我日後只會為家庭, 唔再煩家族
我知佢已經放開左, 可以享受退休生活了~~
睇來我既晴天已經到啦, 真係冇咩野再煩啦!!
希望出年 2010 年, 會有好開始
如果可以, 1 月去個過期蜜月旅行
睇下帶唔帶到小小皮蛋來呢個世界啦~~
台劇: 幸福的抉擇 我的生活 Next