懶鬼 update blog!
01 九月 2009,我的生活,
時間真係過得快, 又 9 月啦~~ 2009 年又得 4 個月!!
呢 2 個月, 我努力睇中醫調理身體, 真係個個 week 去睇
真係有明顯改善既效果, 早 2 日我仲可以去捐血, 捐完仲冇暈!!
成個人好 fresh, full of energy!
呢 2 個月過得都好平淡架, 陪我最多既係烈火雄心3
睇到王喜就睇到以前既自己, 原來做人執著真係好辛苦
凡事唔係如自己所料, 你對人好, 人地未必對你好
你好心安排哂所以野, 人地唔會多謝你之餘仲會覺得你多事
自己 07 年開始病下病下, 唔多唔少係同性格有關
一個人太緊張, 唔識放鬆, 事事計較, 結果影響身體
當一個人病, 咩能力都冇哂既時間, 先會發現自己其實係好渺小
反省之後, 發覺自己以前做左好多多餘野, 為左好多無謂野而煩!! 太傻了
幸好, 我都醒得不太遲, 如果我有 70 歲命
而家醒左, 我都仲有 35 年開心過活呀~~
雖然一方便講身體好了
但另一方便, 我都有再傷害自己身體 - 我又食返煙!
我自覺係一個唔識減壓既人! 又冇咩興趣!!
我係去到成 21 歲先食煙, 細個仲會唔比男友食煙
我囉起第一支煙係我係美國讀書第 2 年既時間
一個人, 冇朋友冇最親既人係身邊
一個人去面對好多人和事, 支持不住
眼前有包煙, 食了一支, 得到無比既解脫!!
今次食返, 又是差不多原因, 唔係唔開心, 而係工作壓力!
我份工作係要用好多好多腦汁!!
寫 program! 仲要 pick up 新 programming language
個腦好似 jello 咁, 轉唔到, 做唔到野
居然有日發夢自己食返煙, 咁.. 就係咁食返啦!!
出奇地, 個人真係 refresh 哂, 可能用腦工作!!
我知呢 d 真係藉口!!
但我又好肯定"它"做了我心靈的安撫劑, 減減壓!!
各位大小朋友, 睇到呢頁, 唔好學我呀
我都好想搵另一種既健康安撫劑去減壓!!
其實生命真係好短暫, 而家既我, 選擇不要想太多
想做就去做, 想得太多, 又未必心想事成
至於做人仔方便, 都有努力緊架啦, 隨緣啦~~
而家只係早上探體溫, 開始體溫高果"日"交功課
醫師話我同我老公懶!
係呀, 大佬, 日日返工收工會攰架, 仲有我地唔係 18, 22 啦!!
有心有力又遇上高溫果幾日係星期六日就交多少少功課吧!!
我 target 係 37 歲前! 都仲有 3 年
越急越唔成事, relax, relax, relax!
My Plurk~ 我的生活 Next