父親節

22 六月 2009,我的生活,

老豆因病退休都差不多 2 年
係呢段日子, 多了機會跟他溝通
發覺佢對家人既信心不夠, 關係凍冷
初初唔係日日就隔日同呀媽嘈, 唔識相處
仔女出聲勸交, 佢以為我地唔仲意佢, 叫佢收聲
可能當年為養家及其他原因, 根本冇佢老婆仔女一齊成長
形成了隔膜!

佢既病成為打開隔膜的橋樑
有冇唔去醫, 我陪佢去醫
心理有問題, 我陪佢去見社工, 再花時間開解
幸好, 退休一年後, 很多東西他都接受了
呀媽亦開始體諒老豆, 兩人懂得和目相處

老豆病程都穩定起來, 不過天氣唔好都會辛苦 D
父親節, 叫左佢 N 次一齊食飯佢都因身體理由推左我
我唯有昨日食晏時再打比佢, 叫佢落屋企樓下飲咖啡
幸好, 佢肯出來~~
出到來, 又唔係精神太差, 有講有笑
我知你好開心, 口講唔想慶祝, 心又不知幾想
你見完個女同女婿, 有返精力去買餸煮飯

陪完一個父親, 又要陪另一個父親
老公一家返大陸食飯
同老豆食完晏就北上
先去按摩, 再去食晚飯
今次按摩超舒服, 按一陣就訓著左
夜晚食晚, 一家人開開心心
其實我好羡慕老公一家咁開心, 成日一家齊心慶祝節日
可能我一家一開始都冇呢種習慣, 一人上上下下都唔係好齊心

同奶奶提到我身體問題, 佢話佢後生時都係便秘
結果又係問題多多, 做女人真係辛苦!!
一家食完飯, 9點左右就回家囉
返到屋企同呀媽傾左電話
知道佢同細佬都有同老豆係屋企食飯
知老豆都好開心, 我都開心

後話: 我食左 D 排便藥, 真係做到日日清
唔知可唔可以成長食既呢, 要問下醫生先~


令人灰爆的驗身報告 我的健康 Next