正式為自己建立一個網頁
24 八月 2006,我的心事,
終於為自己起個 website? 有幾個原因啦~
係為皮蛋!
話說我終於買左新床, 咁就多左儲物空間啦~
我決定將 d 唔捨得掉, 平時又唔會用既野放係床底。
拾下拾下, 有好多舊情人們給我的信, 又有好多本我為唔同既舊情人寫既日記, 我有諗過掉左佢, 但真係又唔捨得同埋真唔唔知點處理佢地 (撕毀佢, 燒燬佢?)。唯有埋藏係我床底, 晚晚訓住佢。
一路拾時, 一路係咁2睇下, 發覺好得意, 原來好多野都唔記得左~ 尋日同皮蛋講, 老左時, 我會囉返哂出來睇, 佢就玩佢 d 高達。
諗返轉頭, 原來人不能夠每件事都記住, 文字可記載事情! 可惜, 現在既伴侶每天都見住, 又唔會為佢寫任何野, 老左, 如果我有老人痴呆症, 我就得返我 d 過去 (因為仲有舊日記)!! 反之, 我唔會記得我跟我伴侶發生過既事!! 真係唔公平, 我可以點, 開始為皮蛋寫下難忘事? 定真係消滅哂我 d 舊日記而令我的過去得到個平衡? 令我將來不會後悔呢?