家中成員生病中
26 七月 2008,我的魚魚,
今年天氣令人易生病, 魚魚都不例外~~ 早排成日下雨, 水的 ph 有變, 新魚唔夠一星期就 bye bye。呢排天氣勁熱, 原來都會令魚魚病, 今次係老魚, 鸚鵡們!! 先由凶手在四條大鸚鵡身上係咁吸吸吸, 起初不以為意, 吸左兩日, 鸚鵡身上有傷痕。最勁係心鸚, 上星期五 peter 見到佢反反地肚, 立即處理處理, 求魚行動開始。其實 3 條都只不過是爛尾而已。
先將心鸚放入深切治療部 (嘩, 心鸚好大條, 身都轉唔到咁制!! 留意下以下張相, 佢係返轉左), 然後唔比吸屎魚郁 (唔比佢再吸其他魚)。
peter 日日落鹽殺菌, 心鸚係第2日都精神返, 其他 3 條都好左少少。一日一日好下去。
但, 心鸚病到尋日為止, 有惡化問題, 對眼有白內障!! 其他 d 魚都'牛牛地'!! 好似唔係幾夠氣, d 水好死!!! 今日收工返來見到缸魚就心痛, 佢都唔食野, 個個圍住心鸚, 好驚佢地唔得, 尤其心鸚。我同 peter 講, 放心鸚出來, 就算佢真係唔得, 都比佢游下水啦, 唔好死都要困住佢, 因為佢係一條魚, 要自由自在地游。我地食完飯, 我做指揮, peter action! 再攪攪缸魚。
放返心鸚出來, 佢又肯游!! 之後 peter 再攪攪 d 泵, 等 d 泵出氣好 d, 水流多 d。再將吸屎魚搬去紅運果邊, 以防萬一佢再吸心鸚。之後 peter 再換左半缸水, 而我就上網 search 下 d 魚既問題。原本水溫不能高過 30c!! 嘩, 呢幾日咁死, 水溫成 34c, 唔怪得佢地咁'牛'。之後 peter 整好個泵, 再換 d 凍 d 既水落去, 水溫即時降低到 29c, 佢地立刻精神返哂, 肯食野, 仲你追我, 我追你, 個個都帶著少少傷痕自由自在游游游。
順帶一提, 上星期六, 同 peter 出左旺角, 為兩條紅運搜大屋。另外, 非洲王子係尋日 bye bye 左, 可能魚缸環境真係好差, 如果唔係今日 peter 同我既大行動, 明天...
送你一大舊塵 我的健康 Next