天氣唔好的星期日
06 七月 2008,我的生活,
今日冇節目! 一起身見到個天就唔開胃, 又濕又落雨, 用身痕痕地, 唔好攪姐姐仔, 食返粒抗敏藥先同皮蛋去食晏~~
話說皮蛋成日都要去開果當報紙當買報紙, 今日如是~~ 天又下著雨, 皮蛋見到報紙婆, 佢居然連人帶傘 9 秒 9 向報紙婆方向行左去, 而我就傻下傻下比雨住, 跟住佢尾~~ 哼~~ 報紙婆原來重要過老婆, 嬲!!
食完野, 我係合益等皮蛋, 皮蛋去買野煲湯。之後上左千色行陣, 見到 $500 5 套床單或被袋原來仲有得賣。不過見 d pattern 麻麻冇行埋去仔細睇。過一陣呀 ann 打來, 我話仲有床單賣, 佢問我會唔會買, 佢要 2 套。ok, 再返去睇睇。原來冇哂 size, 同埋好少 pattern, 先搵左0岩呀 ann 果 d 先, 有呀 pooh, 一定0岩呀熒啦, 因為真係冇哂 size, 另外一張 5 呎既花麻麻地, ann 都係至在有得替換, 冇所謂啦。而我都有一套床單都幾仲意, 金啡色。另外 2 套係加大被袋, 暫時係比 sofa 用住先~~
之後, 因為太多野要拿, 又落雨, 搭的士返屋企~~
今日大出血 我的生活 Next