5個半月既兔B仔~
10 一月 2011,兔兔寶寶,
開始有點緊張, 已經5個半月啦~
上星期覆診, 一切正常~
BB大得好快, 一放個胎心機埋去, 就聽到心跳啦~
下午再去私家醫生度照BB, BB已經有成磅半重
各方面都OK, 冇因為我有妊娠糖尿而過肥~
醫生原本想照下BB個樣比我地睇, 點知BB似+足爸爸
雙手COVER面, 唔比影~ ANYWAY, BB健康OK就得~
最好似爸爸啦, 似我都唔緊要既~
BB已經開始好活躍, 日踢夜踢, 連豪豬親手都FEEL到~
BB活動時間基本上同我差唔多, 同我一齊起身返工~
一餓又踢, 食飽又踢~ 上FB時仲踢得勁D添~
呢期, 成日去落下食火鍋~ 打邊爐係最易控制血糖~
一開波食個烏東/麵/粉絲, 之後再食肉, 菜其他直至飽~
我最近愛上食燒3文魚頭, 食得OMEGA 3, BB皮膚一定正哂~
至於自己, 糖尿控制得OK, 醫生叫我餐後先吉手指
咁我d手指唔洗咁多孔啦~
而體重方面, 唔知係唔係天氣冷既關係, 新陳代謝慢左
排泄少左, 體重有時重有時輕, 最重148磅, 最輕144磅
我KEEP左142磅都一段日子, 近一個月應該係重左2磅
個肚已經去到36吋啦~ 成個波咁~ 個身, 面都唔覺肥左
不過PAT PAT同雙比好似粗壯左
冇緊要啦, 生完先再減, 只要有恆心, 一定得既~
好似為左BB係我個肚健康成長, 我真係餐餐食完就去行
一D都冇懶架~
上星期, 冇啦啦傷風, 但原來係勁既鼻敏感, 鼻塞+流鼻水
足足辛苦左成4-5日, 忍唔住食左2次藥, 應該對BB冇影響既~
數下手指, 真係倒數緊, BB快則4月頭就出來, 慢則就4月尾
即係仲有3個月左右準備BB野~ 前日開始拾下細房
掉左好多雜物, 舊衫, 大大話話都有成20袋~
拾吉間房, 豪豬油下油~ 雖然BB一開始唔會訓細房
不過拾四正佢, 置D傢俬放BB野都要架~
唔夠4個月, 我同豪豬就要結束2人世界啦~ 多左個小生命~
咩都係假, 最緊要係BB健康成長~
兔B差不多5個月啦 兔兔寶寶 Next