你開心, 我開心
07 十二月 2008,我的心事,
昨天, 呀媽打來!!! 呀女, 陪我睇電視啦, 我房果一部壞了!!
原本推左佢, 叫佢唔好心急, 等細佬放假先陪你去!!
佢堅決自己睇左先, 哎, 想下想下, 都係唔好啦, 陪佢啦
一陣我呀媽心急過頭, 亂買仲麻煩
原來, 而家係唔會有舊款電視賣
買部 22 吋 LCD 放係房真係好唔抵, 都要成 $3000
睇下睇下, d cheap 雞內地牌子 37" LCD 都係 $4000 仲送機頂盒
老豆想買機頂盒好耐, 佢想買只是想睇多幾個台, 並非想視覺高清享受!!
咁... 不如舊果部搬入房比呀媽, 老豆係廳睇高清台加視覺高清享受!!
真係一家便宜兩家著!! 老豆之所以遲遲唔買住, 係因為驚呀媽煩
因為我呀媽覺得, 呢 d 新野非必須, 唔好亂洗錢
我當然乘機幫下老豆啦, 我覺得如果洗 d 可能買到開心, 開心就唔係諗煩野
呢 d 錢真係唔怕洗, 立即 call 老豆, 叫佢度一度位
點知一度, 好似欠少少位, 要老豆落來睇實貨 confirm 一下
平時, 叫老豆出街, 佢十萬個不願意, 佢突然變左個細路仔, 9秒9立即閃出來
由於 sales 既態度嚴重有問題, 唔知係唔係覺得我地買唔起呢
佢超唔耐煩!!! 老豆想要部 37", 左度右度, 不斷問有冇計可以安裝上牆
sales 哥哥, 你明知未必安裝到, 而你又提供唔到 professional 既安裝意見
唔該你介紹第 2 部比我地啦, 你見得我之前係咁打電話, 連老豆都出埋來
即係, 我地準備買既程度係超高, 你仲用呢 d 態度
仲要耍我地去某某電器店睇下有冇上牆架賣先再決定啦
冇辦法啦, 我地唯有走啦!!! 你呢 d 人, 真係等失業啦!!!
去到電器店,人地外出工作, 打電話去問, 話聽日先確認到有冇辦法安裝
咁我地再上豐澤再睇睇大牌子係咩價錢, 睇多 d, 先再決定都未遲
嘩, 我地上到去, 完全係變左貴賓囉, 我老豆牛記 love 記都照 serve, good!!!
philps 37" 再加機頂盒要 $8200, 不過月供都係 $350, affortable!!!
再要考慮既問題係, 我娘家廳既距離, 其實 32" 係適合 d
再睇一睇, sharp 32", 都好抵, 我都好仲意!!! 供 $300 個月
好, 打埋比細佬妹問下意見, 細妹冇咩意見, 買囉!!!
而細佬多少少要求, 但要滿足哂佢既要求, 一定唔係呢個價錢
我已經見到老豆同呀媽對眼發哂光啦, 好啦, 買啦!!
後話, 我份人成日都唔捨得洗錢, 我自己都未捨得換電視
而家買左比你地, 你地唔好成日為 d 唔重要既野唔開心啦
尤其係老豆, 我希望你快 d 放開 d, 心情輕鬆幫到你既病好多架
呀媽, 你既"常哦"本色只要收歛一下就對大家大大幫忙
我希望我每月平時用來睇醫生既錢來供機比你地
因為你地開心, 理應我真係會病少 d
我好肯定我最近幾次既頭痛真係同你地有關
你開心, 我開心!!
老公生日 2008 我的生活 Next