病發
06 五月 2008,我的健康,
敏感症越來越嚴重了~~ 再次由死神那邊成功走返出來~~ 唔係講笑.. 真係會死人, 深深感受到自己控制唔到既事情, 呼吸不到, 一剎那暈了, 通通控制不到了~~ 如果~~ 我真的死去, 我身邊的人會如何, 最傷心會係邊個~~~ 其實, 我真係好攰, 沒原沒因, 點解會咁辛苦呢~~
事發經過:
4/25 (fri):
一起身, 有點唔舒服, 為趕 project, 唔比人 call 爆 mobile, 上班去~~ 返到公司, 仲更辛苦, 感覺有點死, 似乎發燒了, 有 d 暈, 唔好等, 去左睇醫生~~ 醫生話我喉嚨, 耳仔都腫哂, 問我有冇藥物敏感, 我答佢,我有敏感症, 唔知對咩敏感。問我要唔要抗生素, 我唔要~ 佢仲叫我, 食左消炎藥唔好, 要返去囉抗生素, 好啦~ 囉病假紙, 返到公司食藥休息左一陣, 做埋 d 手尾, 下午 sick leave 返屋企休息下~~
d 藥好勁, 係巴士訓到冇哂儀態 (又有咩所謂), 2:30 落車, 買左碗魚蛋粉, 食完再食藥去訓覺~~ 訓都死左~~ 7 點起身, 食埋尋日 d 雞粥又再食藥, 係房睇'金石良緣'大結局, 流左幾滴眼淚 (唔記得左劇情係咩囉, 為咩喊, 唔知囉).. 好.. 睇完大結局, 去廁所, 因為肚開始唔舒服, 發現呀媽既老姐早了點來, 辛苦+辛苦。突然, 鼻子開始有點唔係幾好既感覺, 照一照鏡, 鼻同眼之間開始腫起, 又敏感發作, 即去食藥, 沖個涼, 快 d 去訓, 沖完涼, 發覺個身都開始起風癩, 老公拿住類固醇藥膏幫我搽。唔理咁多, 試下訓, 訓左就唔癢, 訓醒會冇事。
大件事, 訓唔到, 仲越來越癢, 塊面硬哂, 耳仔又腫又硬又大, 好辛苦, 再同老公講, 你要有心理準備, 可能要 call 白車啦.. 佢有10個不太願意同擔心唔知點算好, 再搽 d 藥膏, 突然見暈, 立刻上床訓平, 開始感覺喉嚨有野頂住, 透唔到氣.. 老公, 打 999 啦~~ 過左一陣 (約11:30), 白車到, 救護人員來到, check 哂所有野, 血壓, 心跳, 血含氧量都 ok, 但始終呼吸不順, 就吸住氧氣送左我去博愛。心都開定 d, 去醫院打完針一定冇事, 唔會好似上次咁麻煩架啦 (心裡一路都係咁諗)
去到醫院, 醫護人員立即再幫我作基本 check up, 之後送左我去診症室, 過左一陣, 一位好後生都幾靚女既醫生到, 問下症, 可能關 d 有阿士匹靈既消炎藥有關, 醫生幫我整左粒豆豆針咀係手面上既靜脈, 打左支鹽水針, 話轉頭幫我打抗敏針 (心諗: 好囉, 打完針返屋企, 今次幾快攪掂)。同老公傾下計, 話個醫生又靚又後生, 傾下傾下, 眼前有咁多雪花, 好似電視收唔清, 仆街! 暈! 爭扎唔到, 見到醫生行返來, 趕快同醫生講, 我要暈啦, 咁就暈左。我感覺到有好多人過左來打我, 小姐小姐醒下, 張床郁緊, 原來推左我去急救房, 仲有好多人入左來, 有人除我衫, 貼左 d 野係我心口, 有人量我血壓, 夾手指, 打左 2 支針, 係手臂果支好鬼痛, 比 d 怪;氣我聞, 好似血壓仲係好低, 吊左包好凍既鹽水, 攪左咁多野, 咩都醒哂, 之後推左我去觀察區, 可能 d 針既關係, 好迷, 係咁訓, 濛濛湖湖之間又聽到血壓仲係好低, 仲要吊多包鹽水, 我再訓, 老公行出行入, 間唔中睇下我, 訓下訓下, 又要吊多包鹽水.. 我訓到開始唔舒服, 氧氣果個 x 整到我好唔舒服, 又發覺條氣順返, 唔洗聞氧氣啦, 又急尿。發覺我冇著衫, 唔去得痾, 問左2個護士, 唔比我落床, 囉個兜叫我, 我死都唔痾, 大佬.. 點痾呀~~ 好, 問到第3個護士, 其實我係鬧佢, 你一係留我院, 我叫我老公走, 一係比我落床痾尿 (其實2件事都冇關連, 我真係同個護士咁講), 護士好好人, 拍拍我, 唔好咁唔開心啦, 你病唔落得床, 我幫你問下醫生啦。之後, 護士返來, 凡同我講, 醫生比你落床, 你真係可以? 我話你, 咁佢就幫我著套醫院衫, 老公陪我去廁所。以我既經驗, 我行得就可以返屋企, 唔會再暈, d 風癩又退左 d, 唔再癢啦, 咁叫護士再幫我量血壓, 神奇地又正常返, 自己簽紙走人。返到屋企訓... 成晚個胃好痛~~~
4/26 (sat):
訓醒, 個樣仲豬過尋日, 好樣衰, 一上磅, 重左 8 大磅, 唔係化~~~ 唔通吊鹽水出事? 再去睇醫生, 去左'新都', 果度次次打親抗敏針都 ok, 希望退到啦, 仲有, 我既喉嚨痛既病仲未好返, 好驚 d 菌唔知會去左邊, 醫生問症, 打支針, 唔敢開藥比我食, 只係比左 d 抗敏藥同藥膏.. 救命.. 我又胃痛, 喉嚨痛, 頭又痛, e 媽又辛苦, 個人又腫, 點攪~~ 晏 d, 細妹上來囉0急要旅行, 幫我按摩下, 都舒服左 d.. 好早去左訓...
4/27 (sun):
訓醒, 個樣仲豬豬豬豬豬豬豬豬豬豬豬豬豬豬豬豬過之前, 個人仲辛苦左, 會唔會唔好, 坐係度喊..老公見到我都好冇助.. call 返潘醫生 (舊年敏感症發作, 之後都係搵佢做檢查), 佢立刻安排我入院檢查.. 老公同我就快快搭野, 整好哂 d 野, 飛的入左播道~~ 1pm 去到, 醫生來到同我做檢查, 首先, 護士係我對肥腫手度搵靜脈插豆豆針咀 (搵左好耐, 因為實在好腫),
之後, 安排支類固醇針比我, 有人來幫我插血, 打左針2個鐘, 塊面退腫啦, 有返個樣~~ 安心 d, 老公陪到我 7 點左右就走左, 我就打針, 食飯, 食藥, 個胃好痛~~ 睇埋將門人, 冇沖涼, 好早訓左~~
4/28 (mon):
醫生安排我照胃鏡, 做 d 超聲波檢查。 candy 來左睇我, 傾左一陣, 要去照胃鏡了, 打左針訓覺針, 訓左.. 出返來就係自己3床位訓緊, 老公一陣就來左, 好啦, 開餐, 好肚餓 (因為照胃鏡之前唔比食野), 過多陣, 醫到來到, 報告出左, 急性胃炎 (因為之前 d 有阿士匹靈既消炎藥), 脂肪肝, 子宮有粒野.. 下下下下, 有咁多事.. 仲有, complement c4 低左 (唔知係咩, 不過中文係補體成份, 同免疫力有關), 紅血球 total count 少左... 咁即係點.. 死得未? 醫生話聽日出得院, ok.. 老公走左, 睇埋電視, 沖埋個涼去左訓.. 由於果晚冇再打針啦, 個身真係好似有螞咬, 成晚訓唔著~~
4/29 (tue):
出院, 同埋今日係結婚週年~~ 下.. 老公接我, 去左旺角食 d 野, 再去埋囉 opc3 返屋企訓返尋晚要訓既時間, 嘩.. 詶左不過個人好亂, 好痛, 唔知自己係邊, 食藥, 訓訓訓訓訓訓訓, 成晚痾尿~~
4/30 (wed):
好返少少, 痾左一晚尿, 輕返幾磅... e.. 講左咁耐, 冇提過我, 我係戒緊煙, 一來病, 係咁咳, 食唔到啦.. 氣管都係好敏感, 成日係咁咳咳咳咳咳咳咳咳咳咳咳~~~~
5/1 (tue), 5/2 (fri):
跟之前都差不多, 在家休息, 訓下覺, 醒下又睇下電視, 成日係咁咳咳咳咳咳咳咳咳咳咳咳~~~~ 夜晚仲咳得利害~~~ 頂唔順, 明天要去覆診加藥, extend 假期~~
5/3 (sat):
去左旺角覆診, 加左藥, 去左行街, 好耐冇同老公行街啦~~~ 行到 2 點搭車返元朗又行多陣, 老公之後落左買衫 for 明天去飲表妹果餐~~ 今日好好多啦, 加左藥, 冇咩點咳了~~~
5/4 (sun):
成日冇出街, 到夠鍾就準備去飲, 都算是精神的一日, 冇再大咳啦..
5/5 (mon):
ken 休息, 出左去食野, 之後佢地上左來, 冇煙食既日子要食人地 2 手煙真係好辛苦, 我又發老公成 4 , 因為我聞大家既 2 手煙, 聞到5喉嚨痛~~ 有 2 聲咳~~~
5/6 (tue):
同老豆去左覆診, 幸好, 老豆份人諗野開朗左, 兩父女傾下計, 係街行下行下, 幾開心既一日.. 今日開始冇食加開果隻氣管藥, 又好似冇咩唔同~~ ok 呀~~
~~~~~~~~~ 總括: 有驚有險, 幸好一切安好, 多謝老公, 同身邊既人 ~~~~~~~~~~~~~~
今日真係好無聊 我的生活 Next