還 BLOG 債
25 四月 2009,我的生活,
好耐冇係 blog update 過自己近況
自 BB 走後, 我主要係做安慰工作
電話講不停, 好在, 一切已成過去
生活, 再次回從正常
最近, 我身體習中對抗痛症
久違了的肩頸背痛又來找我
人, 真是神奇!!!
可能我身體不能 multi-tasking!!!
身體忙於對抗痛, 敏感返而少了煩我!!
其實敏感減少了可以理解
因為我開始運動, 雖然不是什麼 30 mins 要帶氧
我只是 keep 住跳下繩, 轉下呼圈
時間大概是隔 1, 2 天 15至30 mins
另外, keep 住睇中醫, 要去濕
早餐改食蕃薯, 改善了便秘問題
天氣太潮濕開埋抽濕機訓 (一晚抽成2.5L 水, 好恐怖)
仲有, 係公司全程戴口罩
做左咁多強身又健體, 改善環境措施的工作
如果敏感再來攪我, 真係太唔公平囉
我明白世事絕對冇完美!! 痛症又來!!
不過我仲頂得住, 肩頸背痛由 3 月頭發作
都睇過幾次跌打, 但始終都未好
職業病, 邊有咁易醫, 對住部腦工作左成 10 年
頸椎走了位, 右手都勞損了!! 遇上潮濕天氣
真係救命!! 試過幾朝早, 自己起不倒床
要老公拉我起身, 可想言之有幾嚴重
不過, 如果天要一位"朋友"係我身邊
有痛同敏感比我選, 我寧願要痛
為何痛, 我知的, 我可以改變自己坐姿
做運動, 睇醫生來治好肩頸背痛
但敏感要 K.O. 佢, 非易事
好啦, 一口氣幾個 POSTS 啦, 還清 BLOG 債~
2009 easter 我的生活 Next