在家工作之逄星期二四返公司 (三)
17 九月 2008,我的健康,
假期過後, 第一日返工。
亦係在家工作安排既第三次返公司上班。
可能假期真係休息非常充足同減哂壓, 整個早上情況都好好。
可惜, 去到 3 點幾開始起啦。
4 日假期, 我一粒都起過, 平安膏都休息左 4 日。
一返工, 平安膏又出馬囉。
今日晏起晏退, 返到屋企都仲未散, 仲要起多少少添。
仲要食完飯, 睇家好月圓時肚痾。
好在唔係好嚴重。
我覺得, 我如果有多餘錢, 要買部無線電視機。
當我緊急時可以囉埋電視入去睇。
今日在家工作, 輕鬆得多。
今日另一位同事病假, 我要係屋企都跟埋佢 d 野。
好在都冇 overload!!! 係屋企真係可以生產多 d 野。
身邊朋友, blog 友, 同事都病了, 因轉了風呀!!!
天氣咁熱, 唔好以為仲係夏天既氣候。
呢期係吹北風, 勁乾燥架。我早 2 星期已經感應到。
呢幾日都喉嚨乾涸, 跟天氣都有關既。
食粒喉糖, 飲多啖水都有幫助。
各位, 雖然入左秋都係咁熱, 都要小心身體呀。
我要努力 keep 住而家既狀態。
touch wood 講句, 我差不多有成個月冇食過西藥啦。
可憐及以往既我, 每個星期, 緊有 d 藥會落肚。
雖然而家唔食西藥, 中藥我係 keep 住隔日食。
最後, 送上今早老公既愛心早餐, 好味味~~
2008 中秋節節目 (三) 之 不醉無歸 我的生活 Next