感動事件一則
15 七月 2008,我的工作,
我盡量都唔會帶埋公司既野返屋企, 係 blog 都唔想記低關於公司事, 因為通常都係壓力同唔開心。不過今次唔係。老細~~ 真係多謝你體諒同關心呢~~ 做左呢份工快 9 年, 呢份係畢業後叫做第一份工 (真正既第一份工只係做左 5 個月)!! 開始係呢間公司做時好開心, 因為仲係好細規模, 架構好簡單, 老細又親民~~ 呢幾年, 公司發展得好快, 架構複雜了, 人事又複雜了, 冇以前咁開心了~~ 但始終對呢份工又愛又恨, 冇辦法啦, 都係平常心返工放工唔諗咁多野啦。
以上果 d 都係題外話。其實我想講今日老細同我既對話。話說公司又要開年會, 舊年我有參加, 今年, 人多左, 唔洗我啦。今日突然收到 email, 原來我又有份。我立刻 email 我老細問下詳情, 因為 meeting 唔係係香港開, 而我既身體真係唔適合周圍去。老細就打電話比我:
老細: 其實我都想你 seat in 某幾個 section, 因為你對果方面比較熟。
我: 明白, 或者我叫醫生加重抗敏藥, 都應該冇問題。咁係唔係要開足 2 日會? 第 3 日仲要食周年飯, 我驚我太過粗勞, 又出事呢。
老細: 嘩, 要加藥就唔好啦, 我寧願你 keep 住身體既好狀態去食周年飯, 因為我想成 team 人齊齊整整, 個個都去。
我: 多謝你明白呀, 如果真係有需要我幫手, 我開 1 日會都應該 ok。
老細: 我再睇下 agenda 先啦。係啦, 你有冇睇中醫呀, 你個中醫得唔得架....
嘩, 好感動呢~~ 老細, 真係多謝你體諒同關心呢~~
太陽伯伯出來了 我的生活 Next